KIDA Mahon Ba Desterradus Politika

DILI, STLNEWS.co – Komisaun Instaladroa Desterradus Atauro (KIDA) 1980-1987 hanesan mahon ba desterradus politika sira hotu, neebe iha tempu okupasaun invazor Indonezia, tanba sira mak sai alvu ba militar Indonezia.

Koordenador Komisaun Instaladora Desterradus Ataúro (KIDA) 1980-1987 Nasional, Agostinho Gregorio Ramos kodigu “Teki Luro” hatete, sira sai alvu ba militar Indonezia hanesan hansip ho kamra neebe tropa Indonezia uza hodi tiru malu ho FALINTIL, kaer ba oho no desterra nia familia ba fatin – fatin hanesan Ataúro, Betano, Raefusa, Dotik, Aileu, Kailaku, Lospalos no fatin seluk tan.

Nia hatutan, prezensa KIDA 1980 – 1987 iha Munisipiu Manufahi hodi koresponde ba konvite husi komisaun organizadora komemorasaun loron FALINTIL loron 20 fulan Agostu 1975, no loron levantamentu Rotuto loron 20 fulan Agostu 1982 hanesan parte ida husi istoria desterradus nian iha loron importamte nee, tanba desterradus politikus, sempre interligadu ho loron FALINTIL no levantamentu sira.

Iha prezensa nee, Komisaun Instaladora Desterradus Atauro (KIDA) 1980 – 1987 husi nivel nasional akompaña Komisaun Instaladora Desterradu Ataúro nivel munisipal, hodi oragniza desterradus politika Ataúro ho nia jerasaun hotu, partisipa serimonia levantamentu loron 20 fulan Agostu tinan 1982, iha Suku Rotuto, Munisipiu Manufahi.

Tanba KIDA 1980-1987 nasional no KIDA 1980 – 1987 nivel Munisipiu Manufahi neebe oragniza husi Marito Caldeira, autor desterradus oan husi  Adelino Caldeira lori mos atributu hanesan bandeira RDTL, bandeira KIDA no banner ho filosifia desterradus politika Ataúro hanesan, funu no desterradus. Desterradus politika Ataúro 1980 – 1987, familia ida istória ida, antes Timor ba Futuru.

Prezensa nee hetan antusiasmu makaas husi komunidade neebe hela besik estrada ibun dirasaun Same – Rotuto ho haksolok sira basa liman hatudu katak, sira apresia tebes ho prezensa KIDA 1980 – 1987, tanba naran Desterradus Ataúro lakon tiha kleur ona husi ema lubuk nia fuan no matan, maibe oras nee Komisaun Instaladora Desterradus Ataúro dada sai hikas hodi lenggra ba mundu liu husi prezensa Crus Vermella Internasional (Palang Merah Internasioal) iha Ataúro no ba Timor laran tomak katak, desterradus politik eziste no kontribui tebes ba luta ukun rasik aan iha Timor Leste.

Iha parte seluk, KIDA mos husu apoiu makaas husi lider nasional sira, hanesan Premiadu Nobel da paz, Jose Ramos Horta, Prezidente Konsellu Kombatente Libertasaun Nasional (CCLN – sigla portugues), Riak Leman no Ministru Parlamentar Ministru Assuntu Parlamentar E Komunikasaun Sosial (MAPKomS), Francisco Martins Pereira Jeronimo hodi dada sai naran Desterradus Politiku Ataúro neebe lakon durante tinan barak, liu husi assinatura diretamente ba banner nebe prepara no hakerek ona filosofia Desterradus Politika Ataúro nian hanesan sinal rekonesementu ba ezistensia desterradus iha rai doben Timor Loro sae.*

Reportajen: Blandina Mauno

Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: