Kinta Santa, Loron Domin, Jesus Fase Eskolante Sira Ain

DILI, STLNEWS.co – Kinta Feira Santa loron domin atu servi malu no suporta malu iha vida moris, no loron nee Jesus fase eskolante sira nia ain.

Tuir Padre Richardo Pasang, SVD, ba STL via telefone, Kinta nee (14/04/2022) liu husi nia fekleksaun hatete, loron Kinta ho konhesidu loron domin.

Padre dehan, selebrasaun Kinta feira santa konhesidu ho selebrasaun domin.

Jesus fase nia eskolante sira nia ain. Nia hakarak hanorin ba ema asuntu importante mak servi ba malu no suporta malu iha moris.

“Servi ba malu no suporta malu, dala ruma laos asuntu neebe fasil atu bele implementa, maibe Nai Jesus Kristu hatudu ona ezemplu no dalan mai ita. Problema ba ita mak nee, ita hakarak ka lae. Sekuandu ita hadomi Maromak duni, maka ita tenki barani atu servi no fahe domin ba ita nia maluk sira. Hanesan iha Kinta feira santa, han kalan hamutuk ikus nian Jesus ho nia eskolante sira, Jesus fahe paun,” katak nia.

Padre hatutan, ema tenki prontu atu hafahe aan no fo fuan diak ba ita nia maluk sira.

Saun Paulo iha Segunda Leitura hatoo ba povu iha Korintu konaba saida, neebe Jesus halo molok atu terus, “Jesus kaer tiha paun, haraik bensa, silu tiha dehan ‘Nee Hau Nia Isin, Neebe Hau Saran Ba Imi”. Han hotu tiha Jesus foti Kalis, dehan ‘Nee Kalis Hau Raan Bian, Raan Moruk Foun Nian’.
Depois Jesus fo hanoin, “Se mak haan paun ida nee no hemu kalis ida nee sei hanoin Hau, haklaken ba mundu tomak Hau nia mate too loron neebe Hau hiit-An fila hikas mai,” katak nia.

Kontinua ba pajina 2

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...