Klibur Tane-Aas Obra Maun Boot Kay Rala Xanana Gusmão Kondena Makas TL Vota Abstein Rezolusaun ONU Kontra Ditadura Rezime Militar Iha Myanmar

DILI, STLNEWS.co – Organizasaun movimentu Klibur Tane-Aas Obra Maun Boot Kay Rala Xanana Gusmão, kondena makas pozisaun governu Timor Leste neebe vota abstein ba rezolusaun ONU nian kona ba ditadura rezime militar iha Myanmar.

Tuir Koordenador Klibur Tane-Aas Obra Maun Boot Kay Rala Xanana Gusmão Munisipiu Dili, Manecas dos Santos katak, Timor Leste hanesan nasaun demokratiku, no iha esbosu lei neebe governu aprova ona kolia kona ba paz seguransa no umanidade.

Tanba nee governu Timor Leste iha obrigasaun moral apoiu rezolusaun neebe Organizasaun Nasoens Unidas aprezenta hodi kontra ba hahalok neebe militar Myanmar sira halo iha nasaun refere, tanba nasaun barak iha Europa, Afrika no Sudeste Asiatiku sira kondena makas ba aktus ditadura rezime militar.

“Ami kondena makas delegasaun Timor Leste neebe vota abstein ba rezolusaun ONU nian kona ba ditadura rezime militar iha Myanmar, no tuir lolos nee vota afavor ba rezolusaun nee tanba TL hanesan nasaun ida neebe mak adopta sistema demokratiku, no haree mos ba iha esbosu neebe governu aprova hodi kolia kona ba paz seguransa no umanidade, tanba nee governu presiza apoiu rezolusaun neebe mak ONU hasai ona hodi kontra rezime militar neebe akontese iha Myanmar,” dehan Manecas dos Santos liu husi konferensia imprensa neebe halo iha sede organizasaun movimentu Klibur Tane-Aas Obra Maun Boot Kay Rala Xanana Gusmão, Palapasu, Tersa (22/06/2021).

Nia dehan, aktu sira nee akontese tanba MNEK la iha koordenasaun mutual atu garante dignidade estadu no povu iha mundu nia oin, liu-liu Prezidente Republika no Primeiru Ministru ho premeadu nain rua Ramos Horta no Bispo Dom Carlos Filipe Ximenes Belo.

“Tanba nee organizasaun movimentu Klibur Tane-Aas Obra Maun Boot Kay Rala Xanana Gusmão husu Ministra Negosiu Estranjeiru no Kooperasaun, Prezidente Republika, Primeiru Ministru atu hola lalais desizaun ho rigorozu absolutamente atu foti hikas nasaun Republika Demoktratika Timor Leste nia dignidade no naran morin iha mundu,” nia dehan.

Timor Leste hanesan nasaun neebe adopta prinsipiu demokratiku anti rezime militar iha mundu, Timor leste mos hola parte nudar membru ba pais CPLP no Sudeste Asiatiku, iha mos premeadu nain rua Jose Ramos Horta no Bispo Dom Carlos Filipe Ximenes Belo ba promove paz iha mundu.

Aleinde nee, iha reuniaun no negosiasaun nee realiza tanba nasaun sira iha Uniaun Europeia (UE), ASEAN no seluk tan, aprezenta esbosu rezolusaun atu halo votasaun.

Iha aprovasaun ba testu esbosu rezolusaun nee, nasaun hamutuk 119 mak vota afavor, nasaun ida (Belarusia) vota kontra, no nasaun 35 hamutuk ho Timor-Leste (36) vota abstensaun.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: