KM Aprova Dekretu Lei Define Programa Movimentu Hafoun Aldeia

DILI, STLNEWS.co – Konsellu Ministru (KM) aprova ona ho alterasaun projetu dekretu lei  ida neebe define rejime jeral husi Programa Movimentu Hafoun Aldeia (PMOHA) no estabelese ninia prinsipiu orientador no kondisaun sira ezekusaun nian.

Projetu dekretu lei nee aprezenta husi Ministru Administrasaun Estatal Miguel Pereira de Carvalho.

Tuir Ministru Prezidensia Konsellu Ministru (MPKM) Fidelis Leite magalhaes katak, Konsellu Ministru aprova ona projetu dekretu lei konaba define jeral programa movimentu hafoun aldeia neebe ho objetivu atu lori dezenvolvimentu ba to’o iha aldeia sira.

“Programa PMOHA  nee ho objetivu atu promove no dezenvolve atividade ekonomika komunitaria sira, atu alkansa retornu ekonomiku no empenamentu komunidade sira nian ba nivel aldeia, neebe diresiona esforsu individual ba proveitu komun,” dehan Ministru Prezidensia Konsellu Ministru (MPKM) Fidelis Leite magalhaes iha edifisiu Ministeriu Finansas, Aitarak – Laran, Dili, Kuarta,(01/09/20210).

Programa ida nee rezulta husi asinatura iha tinan 2016, memorandu entendimentu ida entre Saemaul Undong husi Republika Koreia no Governu Timor Leste, tuir saida mak implementa ona iha programa esperimental iha aldeia haat husi Munisipiu Lautem, iha kuadrieniu husi tinan 2016 ba tinan 2020. Ho diploma ida nee kria rejime juridiku hodi fundamenta implementasaun programa iha nivel nasional.

Iha fatin hanesan Ministru Administrasaun Estatal (MAE), Miguel Perreira de Carvalho Katak, dekretu lei neebe KM aprova ona nee programa ida neebe mak sei implementa projetu pilotu iha aldeia sira teritoriu laran.

“Programa ida neebe mak promove voluntarismu iha aldeia sira liu husi apoiu subsidiu husi governu, iha Aldeia sira para sira bele dezenvolve atividade sosiu ekonomiku oin – oin iha aldeia, tantu programa ida nee mos hanesan parte ida atu promove relasaun ida neebe diak liu tan entre administrasaun lokal do estadu ka administrasaun estadu ho ita nia komunidade sira iha nivel aldeia,” dehan Miguel.

Nia dehan, tanba nee sei lao tuir prosesu neebe iha, hanesan hafoin aprova iha KM mak sei lori tan ba iha Prezidente Republika hodi foti desizaun ba dekretu lei nee.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: