KM Aprova Dekretu Lei Kriasaun Ba Sorteiu Vasina Kontra Covid-19

DILI, STLNEWS.co – Konsellu Ministru (KM) halao enkontru iha Palasiu Governu, aprova ona dekretu lei ida kona ba kriasaun sorteiu lotaria vasinasaun hasoru Covid-19 iha Timor Leste.

Proposta dekretu lei kona ba kriasaun sorteiu vasinasaun kontra Covid-19 aprezenta husi Ministru Finansas (MF), Rui Augusto Gomes.

Tuir Ministru Prezidensia Konseplu Ministru (MPKM), Fidelis Leite Magalhães katak, membru Konsellu Ministru aprova ona proposta lei ida hodi kria sorteiu ba vasinasaun kontra Covid-19.

“Tanba nee iha suku sira iha teritoriu laran sei iha lotaria ba sidadaun sira neebe kompleta ona doze segundu, no manan nain sei hetan premiu kada ema US$ 100,” dehan Ministru Fidelis Magalhães hafoin remata enkontru Konselu Ministru iha Palasiu Governu, Kuarta (23/06/2021).

Governante nee dehan, wainhira partisipasaun populasaun iha kampana planu vasinasaun sae makas maka numeru manan nain bele sae to ema nain sia (9) iha kada suku.

Orsamentu neebe implementa ba lotaria vasinasaun kontra Covid-19 nee rasik sei gastu orsamentu hamutuk tokon US$ 2 resin.

Nunee bazeia mos ba proposta husi Ministru Finansas, aprova ona projetu dekretu lei kona ba kriasaun kompensasaun ba eventualidade mate ka inkapasidade rezulta husi inokulasaun ho vasina kontra Covid-19.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: