KM Aprova Estatutu STAE

Ministru Prezidensia Konselu Ministru (MPKM), Fidelis Leite Magalhães. (Foto: MPKM)

DILI, STLNEWS.co – Konsellu Ministru aprova alterasaun projetu dekretu lei, neebe aprezenta husi Ministru Administrasaun Estatal (MAE), kona ba alterasaun daruak ba estatutu Organiku Sekretariadu tekniku Administrasaun Eleitoral (STAE) nian.

Ministru Prezidensia Konselu Ministru (MPKM), Fidelis Leite Magalhães hatete, konsellu Ministru aprova dekretu lei, kona ba alterasaun daruak estatutu organiku Sekretariadu Tekniku Administrasaun Eleitoral (STAE) nian, oinsa hadia kualidade atu organiza prosesu eleitor.

“Alterasaun nee ho objetivu atu kria estrutura ida neebe forte no adekuada liu. Hodi permite katak instituisaun nee presta ba sidadaun eleitor sira no partidu politika sira, servisu ida neebe ho kualidade no profesionalismu boot liu hodi Organiza prosesu eleitoral sira,”dehan MPMK Fidelis ba Jornalista, iha Palasiu governu, Dili, Kuarta, (14/10/2020).

Governante nee dehan, ho intervensaun lejislativa ida nee, prosede ba eliminasaun figura adjuntu ba diretor jeral no he kriasaun diresaun nasional administrasaun no finansas, aprovizionamentu, lojistika no rekursus umanus, diresaun nasional koordenasaun munisipal no Rejiaun Administrativa Espesial Oecusse Ambeno (RAEOA), edukasaun eleitoral no asuntu juridiku sira no diresaun nasional ba jestaun baze dadus ba resensiamentu eleitoral, informasaun ba publiku no relasaun esterna.

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here