KM Aprova Ona Proposta Projetu Lei OJE 2022

DILI, STLNEWS.co – Governu liu husi reuniaun Konsellu Ministru, neebe prezide husi Primeiru Ministru Taur Matan Ruak, aprova ona projetu ba proposta lei Orsamentu Jeral Estadu (OJE) tinan 2022 ho billaun US$ 1.675.

Proposta lei OJE 2022 aprezenta husi Ministru Finansas (MF) Rui Gomes

“Ohin Konsellu Ministru aprova ona projetu proposta lei OJE ba tinan 2022, no  OJE tinan 2022, nafatin ho montante billaun US$ 1,675,” dehan Ministru MPKM Fidelis Leite Magalhaes, hafoin remata enkontru Konsellu Ministru iha Palasiu Governu, Dili, Kuarta nee (06/10/2021).

Governante nee katak, tuir planu neebe mak iha, governu liu husi Ministeriu Finansas, sei aprezenta proposta OJE 2022 ba Parlamentu Nasional iha loron 15 fulan Outobru tinan 2021.

“Prosesu sira nee, Minesteriu Finansas mak prepara, neebe konaba konfirmasaun preparativus sira dadaun nee dezenvolve, importante mak ohin Konsellu Ministru aprova ona, nunee bele gia ekipa tekniku husi MF,  hodi prepara livru no dokumentus, antes aprezenta ba Parlamentu Nasional,” dehan nia.

Aleinde nee, OJE 2022 ho montante billaun US$ 1,675 nee kompostu husi orsamentu Administrasaun Sentral, Orsamentu Rejiaun Administrativa Espesial Oe-Kusse Ambeno no Orsamentu Seguransa Sosial nian.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...