KM Autoriza Loke Prosedimentu Aprovisionamentu IPB

DILI, STLNEWS.co – Konsellu Ministru (KM) delibera atu autoriza loke prosedimentu aprovizionamentu nian, relasiona ho obra konstrusaun ba instalasaun foun Institutu Politekniku Betano (IPB), projetu deliberasaun nee aprezenta husi Ministru Ensinu Superior, Siensia no Kultura (MESSK) Longuinhos dos Santos.

Ministru Prezidensia Konsellu Ministru (MPKM) Fidelis Magalhaes katak, projetu konstrusaun IPB neebe lao tuir planu dezenvolvimentu integradu, relasiona ho Planu Estratejiku Dezenvolvimentu Nasionál ba periodu tinan 2011 to’o 2030.

“Objetivu fundamental atu hadia kualidade edukasaun ensinu superiór nian, no aumenta kapasitasaun rekursus umanus, liu – liu iha área esensiál sira ba interese nasional,” dehan Ministru Fidelis hafoin remata enkontru Konsellu Ministru iha Palasiu Governu, Dili, Kuarta nee (15/09/2021).

Iha fatin hanesan, Ministru Ensinu Superior Siensia no Kultura (MESSK),  Longuinhos dos Santos katak, nia parte aprezenta projetu foun konaba konstrusaun Insititutu Politekniku Betano (IPB).

Projetu ida nee hola parte husi planu dezenvolvimentu integradu, neebe preve ona iha planu estratejiku dezenvolvimentu nasional (PEDN) tinan 2011 – 2030 nian.

“Objetivu atu harii edifsiu foun ITB, mak oinsa bele dezenvolve diak liu tan iha area edukasaun, no prepara rekursu umanu neebe mak kualifikadu, liu – liu iha area produsaun animal no konstrusaun sivil nian,” dehan governante nee.

Tuir nia, projetu nee tuir orsamentu neebe antes nee preve ho total orsamentu husi valor inisiu hamutuk tokon US$ 21, 895.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: