KM Hakotu SS Iha Munisipiu Tolu, Dili Estende Semana 1

DILI, STLNEWS.co – Konsellu Ministru aprova rezolusaun governu nian hodi deside la estende Serka Sanitaria (SS) ba Munisipiu Baucau, Ermera Nomos Covalima.

Tuir Ministru Prezidensia Konsellu Ministru (MPKM) Fidelis Leite Magalhaes katak, desizaun sira nee Konsellu Ministru deside, tanba konforme informasaun neebe hato’o husi sala situasaun Sentru Integradu Jestaun Krize (SIJK) katak, situasaun pandemia Covid-19 dadaun nee nia numeru infetadu hahu tuun.

“Desizaun neebe KM aprova nee, konforme informasaun neebe mak SIJK no espesialista sira katak, ita nia situasaun pandemia nee komesa hatudu sinal nebe diak, se ita kompara fali ho situasaun sira semana kotuk,” dehan Ministru Fidelis hafoin remata enkontru KM iha Palasiu Governu, Dili, Kuarta nee (22/09/2021).

Aleinde nee, iha reuniaun Konsellu Ministru aprova mos projetu rezolusaun governu nian, neebe mantein impozisaun Serka Sanitaria (SS) iha Munisipiu Dili to’o tuku 23:59 loron 29 fulan Setembru.

Nunee, mantein impozisaun proibisaun sirkulasaun ema sira nian, entre Munisipiu Dili no sirkunskrisaun administrativa sira seluk, exetu iha kazu hirak neebe iha fundamentu forte, tanba razaun seguransa publika, saude publika, asistensia umanitaria, manutensaun ba sistema abastesimentu publiku, ka razaun seluk neebe presiza atu halao ba interese publiku nian.

La inklui iha proibisaun ba sirkulasaun ida neee, individuu sira neebe komprova vasinasaun kompleta (doze rua) kontra Covid-19, nomos ba labarik sira ho idade tinan 6, neebe akompana ema sira nee.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...