KM Nomeia Paulo da Silva Prezidente EDTL

Konsellu Ministru liu husi reuniaun iha Palasiu Governu, deside hodi nomeia Paulo da Silva nudar Prezidente konsellu Administrasaun Eletrisidade Timor Leste E.P(EDTL.E.P), durante mandatu tinan 4. (Foto: EDTL)

DILI, STLNEWS.co – Konsellu Ministru liu husi reuniaun iha Palasiu Governu, deside hodi nomeia Paulo da Silva nudar Prezidente konsellu Administrasaun Eletrisidade Timor Leste E.P(EDTL.E.P), durante mandatu tinan 4.

Proposta nomeiasaun nee aprezenta husi Ministru Obras Publikas (MOP) Salvador Pires.

Tuir Ministru Prezidensia Konsellu Ministru (MPKM), Fidelis Leite Magalhaes katak, Konsellu Ministru nomeia ona Paulo da Silva nudar Prezidente konselu Administrasaun Eletrisidade Timor Leste.

“Paulo da Silva merese duni atu asume kargu hanesan Prezidente konselu Administrasaun Eletrisidade Timor Leste, tanba estuda hasai doutoramentu iha Japaun area eletrisidade nia,” dehan Ministru Fidelis, hafoin remata enkontru Konsellu Ministru, iha Palasiu Governu,Kuarta,(06/01/2020).

Tanba nee Governu la iha duvida Kona ba noemeisaun Paulo da Silva, nudar Prezidente konselu Administrasaun Eletrisidade Timor Leste.

“La iha duvida ba pesoa refere nia esperiensia, tanba durante nee hanorin iha UNTL iha area enerjia, nunee bele dezenlvole EDTL iha Timor Leste,” nia esplika.*

Reportajen: Alberto menezes
Editora: Carme Ximenes

LEAVE A REPLY

Please enter your comment!
Please enter your name here