KO Fo Impaktu Ba Roda Ekonomia

DILI, STLNEWS.co – Governu implementa serka sanitaria no konfinamentu obrigatoriu (KO) fo impaktu ba roda ekonomia, tanba ema hotu hela iha uma laiha osan atu sosa nesesidade lor-loron nian.

“Konfinamentu obrigatoriu liga atividade ekonomika nee diretamente afeita ba situasaun ekonomia nee tanba ita hela iha uma deit neebe ita dezempregada tiha ona satan ita hela tiha uma. Entaun ita labele halo buat ida, ita hein deit programa governu nian maibe ita nia nesesidade nee loro-loron obriga hela ita entaun fo impaktu ba roda ekonomia nee paradu,” lia hirak nee hatoo husi Dekanu Fakuldade Ekonomia, Costodio Ximenes ba STL iha knaar fatin kampus UNTL, Segunda (31/05/2021).

Nia hatete, roda ekonomia lalao tanba ema hotu-hotu hela iha uma, no ema faan sasan mos ema minoria maka faan, i ema maioria maka hela iha uma no lafaan sasan, depois ema ba sosa sasan mos oituan deit, tanba ema barak maka lasosa tanba osan laiha, ida nee maka situasaun jeral neebe afeta ba konfinamentu obrigatoriu, liga atividade ekonomika iha ita nia rai.

“Ita atu reativa fali atividade ekonomika nee katak, agora dadauk nee iha hela konfinamentu obrigatoriu maibe ita nia atividade ekonomika nee iha parte balun mos tenki lao no labele paradu hotu, entaun ita tenki fo bantajen balun ba ita nia vendedores sira, no fo espasu ba sira para bele bok aan, hodi halao atividade faan sasan,” katak nia.

Nia dehan tan, sira bele bok aan maibe labele haluhan katak, moras covid nee sei lao hela, entaun ita iha hanoin no objetivu ida katak, implementasaun konfinamentu obrigatoriu nee tenki uja nafatin no tuir regras OMS nian, i tenki ho kontrolu para atividade ekonomia nee tenki moris, selae atividade ekonomika nee paradu total.

Laos atu ses ona husi regras nee lae, maibe tuir nafatin regras OMS nian. Atividade kikoan sira nee lao par abele moris nee iha selae moris nee laiha, tanba ema lafaan modo siginifika katak moris nee laiha, bainhira faan modo nee iha maka moris nee iha, atividade kikoan sira nee iha maka moris nee iha, kuandu atividade kiikoan sira lalao nee moris mos lalao.

Antes nee Deputadu Bankada KHUNTO, Antonio Verdial dehan, roda ekonomia lalao tanba impase politika nomos estadu emerjensia halo ema labele faan modo iha dalan ninin.

“Hau hanoin roda ekonomia iha TL mate tanba, impase politika, Estadu Emerjensia no agora iha tan konfinamentu obrigatoriu, hodi hapara atividade hotu, povu agrikultor labele faan modo iha dalan ninin, tanba deit situasaun estadu emerjensia, serka sanitaria no konfinamentu obrigatoriu neebe hamate roda ekonomia iha TL,” dehan nia.

Nia informa, atu halo rekoperasaun ba ekonomia rai laran tenke kaer lia fuan rua, familiariza no moris hamutuk, loke dalan ba agrikultor lori sira nia produtu lokal tama iha merkadu, hodi hetan rendimentu liu husi produtu neebe sira iha no halo komparasaun.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: