KO Halo FRETILIN Seidauk Realiza Kongresu

DILI, STLNEWS.co – Partidu Frente Revolusionariu Timor Leste Independensia (FRETILIN) to’o oras nee seidauk realiza kongresu, tanba impaktu husi situasaun pandemia Covid-19 inklui implementa hela Konfinamentu Obrigatoriu (KO) iha Munisipiu Dili.

Kestaun nee hato’o husi Prezidente Bankada FRETILIN Francisco Miranda Branco ba jornalista iha salaun Komite Sentral FRETILIN (CCF – sigla portugues) Comoro, Sabadu nee (04/09/2021).

Nia hatete, Partidu hanoin hela atu reuni komisaun politiku nasional para define ajenda ba reuniaun CCF para depois CCF mak sei define ajenda tuir mai

“Agora ho situasaun KO sei atraza tiha, maibe tuir lolos ajenda nee se karik laiha KO bele iha ona komvokasaun ba enkontru komisaun politika nasional, depois komisaun politika nasional mak halo ajenda ba enkontru CCF nian,” dehan nia.

Nia hatutan, estatutu partidu nian fo dalan ba estrutura atual mak kontinua, maibe tenke razaun forte.

“Estatutu mos bele estende mandatu ida nee, maibe tenke iha razaun forte, tuir lolos se karik laiha pandemia oras nee dadaun ami nia re-estrutura iha baze hotu ona, husi suku too mai postu no postu mai iha munisipiu, maibe labele akontese tanba situasaun ida nee la permiti,” katak nia.

No bainhira mak realiza kongresu nia hatete, fila fali ba Komisaun Politika Nasional mak sei determina ajenda ba CCF nia, no CCF mak sei define kongresu nasional.

Antes nee mos Deputadu Jose Siquera Somotxo hatete, nia ho Eis Primeiru Ministru Rui Maria de Aroujo sei avansa pakote ida ba kongresu Partidu FRETILIN. Pakote nain rua nia nee sei konkore ba eleisaun direita ou kongresu, nunee nia husu atu haree mos estatutu FRETILIN nia, tanba regra kada tinan lima.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: