KO La fo Liberdade Ba Povu Buka Moris

DILI, STLNEWS.co – Moris povu kiik nian depende ba rendimentu negosiu, tanba nee Konfinamentu Obrigatoriu (KO) iha Kapital Dili la fo liberdade (livre) ba povu atu halo negosiu, maibe kontinua limita atividade povu nian.

Tuir negosiante Elisa da Costa  hatete, povu nia moris depende ba vida negosiu, tanba nee ho KO  iha kapital Dili limita tebes atividade povu nian, maluk sira neebe faan obralan tenke taka, transporte publiku labele halo movimentu, ema neebe faan modo tenke aluga fali ojek motor hodi ba sosa modo husi langanan sira hodi mai faan, tanba nee governu estabelese KO limita tebes povu nia atividade.

“Ami husu ba governu bele estabelese Serka Sanitaria no Konfinamentu Obrigatoriu, maibe labele limita povu nia atividade iha situasaun susar ida nee, tanba nee fo liberdade ba povu atu buka moris, sebele taka metin mak aeroportu no fronteira, ho nunee ema labele lori moras nee tama mai,” dehan negosiante Elisa ba STL Sabadu nee (04/09/2021) iha resintu bundaran, Kampung Baru.

Nia afirma liu tan, governu limita deit atividade povu kiik sira nian, maibe sira rasik lao ba mai diak hela, no sulan povu hamlaha iha uma, boot sira moris diak, tanba buat hotu la falta, KO nee ba povu kiik deit.

Iha parte seluk reprezentante povu iha uma fukun Parlamentu Nasional (PN), Deputada Josefa Pereirra hatete, estabelese KO la taka dalan ba negosiante kiik sira atu halo atividade negosiu, no governu suspende deit negosiu obralan, loja sira neebe faan material konstrusaaun no loja neebe faan ropa, ba sira neebe faan modo kontinua lao, nomos loja sira neebe faan nesesidade baziku mos kontinua loke.

“Hau hanoin desizaun governu nian nee diak, tanba atu salva povu husi pandemia surtu Covid-19, tanba haree ba numeru moras kada loron kontinua aumenta,” dehan deputada nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: