KO Obriga MAE Adia Pose PAM Dili

DILI, STLNEWS.co – Ministru Administrasaun Estatal (MAE) Miguel Perreira de Carvalho hatete, MAE adia pose ba Prezidenti Autoridade Munisipiu Dili foun Guilhermina Saldanha, tanba Konfinamentu Obrigatoriu (KO) ba populasaun Munisipiu Dili neebe dadaun nee lao hela, bandu ema sai husi uma no halibur malu barak iha fatin.

“Tuir planu pose ba Prezidente Autoridade Munisipiu Dili foun sei realiza ohin loron 3 fulan Setembru, maibe komu KO neebe dadaun nee lao hela, entaun ita adia tiha,” dehan Ministru Administrasaun Estatal (MAE) Miguel Perreira de Carvalho iha edifísiu Ministeriu Finansas Aitarak-Laran Dili, Sesta nee (03/09/2021).

Nia dehan, razaun MAE adia pose ba Prezidente Autoridade Munisipiu Dili, tanba iha implementasaun KO nee bandu ema sai husi uma atu halo atividade sira neebe mak la nesesariu.

“Tanba KO ba populasaun Munisipiu Dili nee bandu ema sai husi uma atu halo atividade sira neebe mak la nesesariu, no la prodente bainhira governu mak aprova tiha rezolusaun governu, maibe nia promove fila fali atividade sira neebe mak halibur ema barak,” dehan governante nee.

Governante nee afirma, bainhira sirkunstansia sira permite hanesan KO la iha ona, MAE sei haree fali loron hodi pose ba Prezidente Autoridade Munisipiu Dili foun Guilhermina Saldanha.

Antes nee iha loron 28 fulan Jullu tinan 2021 governu liu husi reuniaun Konsellu Ministru aprova projetu rezolusaun ida hodi nomeia Guilhermina Filomena Saldanha atu asume kargu Prezidente Autoridade Munisipal Dili ba mandatu periodu tinan lima, hahu husi data simu pose nian.*

Reportajen: Alberto Ximenes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: