KO Povu Sofre Ai-han, PN Tau Osan Ba Viajen

DILI, STLNEWS.co – Tuir observador Politika Universidade Nasional Timor Lorosae (UNTL) Felisbeto de Carvalho hatete, governu implementa Serka Sanitaria (SS) ho Konfinamentu Obrigatoriu (KO) halo povu sofre ba ai-han, tanba limita sirkulasaun povu, maibe membru Parlamentu Nasional (PN) tau osan ba viajen.

Nia dehan, relasiona ho membru PN sira viajen ba liur nee governu halo diskriminasaun ba povu.

“Agora KO halo povu sira sofre hela ai-han no halerik ba bee moos, diak liu osan viajen fo ba povu duke lori halo viajen ba liur,” dehan nia ba STL liu husi WhatsApp,  Domingu nee (05/09/2021).

Nia dehan, membru PN laiha neon ho fuan, tanba ba neeba nia povu halerik hela iha tempu KO.

Nia hatutan, agora estadu impkementa hela SS ho KO limite povu baibain  sira nia movimentu, maibe ba governu ho membru PN sira sirkula livre injustisa iha nee.

Iha fatin seluk, Vise Prezidente Parlamentu Nasional (V-PPN) Maria Angelina Lopes Saramento dehan, relasiona ho viajen PPN Aniceto Guteeres Lopes ho ekipa sira ba Austria.

“Labele kansela, tanba kustu ba billete sira depois ajendamentu ba  prezidente hanesan orador ja esta. Ajendamentu ba reuniaun bilaterais ja esta feito fulan 2 antes, tanba nee mak se kansela nia lori mos prezuiju ba kustu neebe mak hasai ona,” dehan nia.

Nia tenik, depois kordenasaun ho parlamentu sira neebe organiza eventu ida nee mos buat hotu loos ona.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: