Komando PNTL Sei Rekruta PNTL 700, Seidauk Iha Desizaun

DILI, STLNEWS.co Maske Vise Ministru Interior ho Komando Polisia Nasional Timor-Leste (PNTL), propoin ona orsamentu milliaun US$ 6 ba governu, liu husi Komisaun Revizaun Orsamentu Politika (KROP) iha Orsamentu Jeral Estadu (OJE) tinan 2022, atu halo rekrutamentu ba membru Polisia foun hamutuk 700 iha tinan oin mai, maibe seidauk iha desizaun husi Ministru Interior Governu Taur Matan Ruak.

Tuir Vise Ministru Interior Antonio Armindo informa, seidauk iha desizaun husi Ministru Interior Taur Matan Ruak, konaba rekrutamentu membru PNTL iha tinan oin, tanba oras nee dadauk, ekipa husi Ministeriu Defeza ho Interior sei diskute hela ba futuru halo rekrutamentu konjuntu entre membru PNTL ho FALINTIL Forsa Defeza Timor-Leste (F-FDTL).

“Desizaun Ministru Interior nian, parese sei iha meius, kuandu rekruta jatamente presiza osan US$ 5 milloens kuaze US$ 6 milloens, nee inklui ona gastus fulan 6 neebe atu halo treinamentu ba membru foun sira, mais no fim labele tama, tanba nee desizaun Primeiru Ministru hanesan Ministru Interior nian desizaun seidauk iha,” dehan Vise Ministru Interior Antonio Armindo, iha salaun Novu Turizmu, Dili, Segunda nee (25/10/2021).

Nia afirma, presiza duni halo rekrutamentu foun ba PNTL, tanba dadauk nee, membru barak mak moras no balun idade la produtivu ona atu halo servisu.

Governante nee relata, intensaun governu nian atu halo rekrutamentu hamutuk entre membru PNTL ho F-FDTL, tanba hakarak kria amizade entre membru sira husi instituisaun rua nee hahu husi treinamentu, hafoin bele fahe malu ba kada instituisaun.*

(Efi)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...