Komemora 20 Maiu La Involve Ema Barak

DILI, STLNEWS.co – Ministru Administrasaun Estatal (MAE), Miguel Pereira de Carvalho hatete ho Covid-19, komemorasaun ba loron 20 Maiu tinan ida neen, sei iha atividade simples no la involve ema barak.

Nia dehan, informa ba Prezidente Republika kona ba planu governu nia hodi realiza selebrasaun restaurasaun de indepedensia Republika Demokratika de Timor Leste neebe mak ba dala 19, neebe tinan ida nee sei monu iha 20 Maiu iha Kinta feira semana oin, tema ba selebrasaun tinan ida nee mak imforma ba publiku mak “A União e a Luta Conjunta Para Vitoria de Todos” (Ita Nia Unidade Nomos Luta Hamutuk Para Vitoria Ema Hotu Nia).

Tema neebe mak governu hili iha tinan ida nee tanba agora dadaun nee atravesa hela situasaun rua ida mak Covid-19, ida fali mak kalamidade publika.

“Preparasaun Ministeriu Administrasaun Estatal mak komisaun organizadora prepara ona atividade sira ke simples porke ita labele halo atividade neebe mak boot hodi involve ema barak demais, maibe ita tenke fo sinal ruma hodi selebra 20 de Maiu tinan ida nee nia.” hatete Ministru.

Ministru hatete, atividade neebe mak prepara primeiru mak sei iha misa de agradesementu bele halo iha forma rua, karik iha Dili mak sei kazu konfinamentu domisiliariu obrigatoriu entau misa halo liu husi transmisaun direita deit liu husi televizaun sira, nunee publiku bele akompanha porke iha hela konfinamentu domisiliariu obrigatoriu nia laran.

Nunee mos, serimonia 20 de Maiu sei hahu ho hasae bandeira iha Palasiu Prezidensial no serimonia nee sei Prezide husi Prezidente Republika no sei partisipa husi konvidadus sira ke limitadu, sei iha distansiamentu sosial tuir regra estadu emerjensia (EE) nia para evita numeru ema.

Lokraik sei iha mos serimonia hatun bandeira, komisaun organizadora sei koordena ho Parlamentu Nasional, para Prezidente Parlamentu Nasional mak sei prezide hatun bandeira.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: