Komemora Aniversariu Ba Dala 9, SQR Realiza Seminariu

DILI, STLNEWS.co – Sentru Quesadhip Ruak (SQR) realiza seminariu ba juventude ho tema “Familia Forte Nasaun Forte” hodi komemora aniversariu SQR ba dala 9.

Tuir Prezidente Konsellu Administrasaun Sentru Quesadhip Ruak Leonildo da Costa hatete, semináriu nee realiza hodi komemora aniversariu Sentru Quesadhip Ruak ba da-9, neebe monu iha loron 09 fulan Outobru tinan 2021 nee.

“Seminariu neebe organiza husi Sentru Quesadhip Ruak, hanesan atu selebra 9 anos nee ho tema “Familia Forte Nasaun Forte” sub tema mak “transformasaun moris neebe diak,” dehan Leonildo Tomas da Costa iha SQR Taibessi, Dili, Sabadu nee (09/10/2021).

Prezidente Konsellu Administrasaun SQR dehan, materia prinsipal iha seminariu nee mak, oinsa reforsa transformasaun ba moris neebe diak, nunee bele eduka jerasaun foun sira bele hatene konaba estudu personalidade no disiplina neebe pozitivu.

“Moris neebe diak, ami hili area neebe importante atu reforsa transformasaun moris neebe diak, nee mak ami hili tema atu halao ba seminariu nee mak, oinsa ita fo ba jerasaun foun sira konaba sira nia estuda personalidade, no tema seluk mak ami koalia konaba disiplina pozitiva, tanba sa mak tenke estrutura personalidade, tanba estrutura personalidade nee sai hanesan baze importante ba dezenvolvimentu umana ka individu ida,” esplika nia.

Nia hatutan, konaba dezenvolvimentu fíziku laiha problema, tanba hetan asisténsia husi hahán ne’ebé di’ak no nutritivu, hodi reforsa kondisaun fízika, tanba ne’e, presiza mellora liután estrutura personalidade, hodi kontribui bá dezenvolvimentu umanu.

Iha fatin hanesan, partisipante husi Eskola Nossa Senhora de Fatima Balide, Alexandre Soares hatete, nia sente kontente partisipa iha semináriu ne’e, tanba bele aumenta tan nia konesimentu siénsia psikolojia nian.

“Hau sente kontente, tanba bele hasoru ambiente neebe foun, tanba bele konese mos siensia iha parte psikolojia nian, tanba iha parte psikolojia nian, profesor Leonardo bele lori buat foun esplika mai hau, tanba durante nee hau nia konesimentu jeral katak, psikolojia nee iha parte hanesan nee deit, maibe ohin hau bele haklean oituan konaba materia psikolojia,” dehan nia.*

Reportajen: Alberto Menezes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...