Komisaun A Halo Audensia Ho Eis Membru Governu Estatal

DILI, STLNEWS.co – Komisaun A trata neebe asuntu lejislasaun no justisa (PN), halao audensia ho eis membru governu Administrasaun Estatal, hodi haree ba lei desentraliza poder lokal no mos lei eleisaun munisipal. Tanba eis governante Estatal mak propoin ba proposta lei, maibe Prezidente Republika (PR) veta, ikus proposta lei nee sai projetu lei husi Parlamentu Nasional (PN).

Dehan Vise Prezidente Komisaun A, Francisco Vasconcelos ba jornalista, bainhira remata audensia ho eis Ministru Administrasaun Estatal no eis Ministru Administrasaun Estatal, Tomas Cabral, inklui Vise Ministru Administrasaun Estatal, Valentim Ximenes, iha PN, Kuarta (02/06/2021).

“Ohin halo audensia hodi haree kona ba lei desentraliza poder lokal administrativa no lei eleisaun munisipal, ita hotu hatene katak iha lejislatura anterior liu ba aprova tiha ona lei poder lokal, no mos desentralizasaun poder lokal no administrativa ho lei eleisaun munisipal, maibe ba iha PR veta tiha iha material balu”, dehan Vise Prezidente Komisaun A, Francisco Vasconcelos.

Nia esplika, iha momentu neeba PR veta hotu deputadu sira lakonsege halo re-apresiasaun tanba kaduka tiha, mak deputadu sira iha PN foti lei nee laos ona ba proposta lei maibe deputadu mak halo fali projetu lei, tanba nee hahu halo audensia publika.

“Ita hahu mos audensia ho eis governante estatal atu mai fo pontu de vista kona ba materia lei poder lokal no lei eleisaun munisipal. Neebe tempu badak komisaun A sei finaliza, relatoriu paraser lori ba iha plenaria atu hodi debate iha jeneralidade ho espesialidade”, tenik nia.

Nia hatete, lei sira nee importante, tanba 20 anos ona, munisipiu sira sente izola husi governu sentral. Tanba durante nee governu buat hotu sentral iha Dili, tanba nee hakarak delega kompetensia husi governu sentral ba iha munisipal sira.

Tuir nia, ida nee importante atu munisipiu ida-idak bele jere rekursu no oinsa halo dezenvolvimentu ba munisipiu.

Nunee mos eis Ministru Administrasaun Estatal, Tomas Cabral hatete, sira hetan konvite husi komisaun A, hodi mai halo audensia hanesan eis proponente ba lei eleisaun munisipais no mos lei poder lokal.

“Proposta lei nee tanba mai husi governu anterior nian, neebe aprova tiha iha PN, i veta husi PR. Maibe agora proposta lei nee lei nee sai fali projetu lei husi PN, tanba nee sira bolu ami mai atu konfirma kestaun tekniku iha lejislasaun, liu-liu kona ba eleisaun munisipais, reprezentasaun veteranus nian, no sobre mos funsionamentu estrutura municipal”, tenik nia.

Laos nee deit maibe, mos ba reseitas futuru munisipiu sei rekollla, nunee servisu munisipais nee bele lao ho diak. Tanba nee mai fo fila fali sira nia paraser tekniku, atu sira bele elabora proposta de lei nee para deskute hodi PR promulga nunee implenta prosesu lei poder lokal nee.

Cabral rekonta sira fo paraser tanba proposta nee uluk mai husi governu anterior, maibe aprova tiha iha PN ba iha PR mak veta, i momentu neeba mos tama kedas ona ba iha eleisaun 2017.

Nia esplika, lei poder lokal neebe PR veta iha materia hanesan reseitas, estrutura funsionamentu dos munisipius, veta mos ba reprezentasaun veteranus iha lejislasaun nee. Maibe sira esplika katak veteranus sira nia reprezentasaun, tanba iha diskusaun klean iha konsellu ministru, iha VI governu, oinsa rezerva hela maluk veteranus sira nia kontribuisaun ba prosesu dezenvolvimentu.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: