Komisaun F Halo Audensia Ba Lei Protesaun Labarik

DILI, STLNEWS.co – Komisaun F neebe trata asuntu kona ba saude, seguransa sosiais no igualidade jeneiru, halo audensia kona ba lei protesaun labarik iha Timor Leste, neebe hahu iha dia 07 too 27 fulan Jullu.

Tuir Prezidente Komisaun F, Deputadu Noe da Silva, hatete ohin loron daruak komisaun F, halo audensia ba lei protesaun labarik sira neebe iha perigu nia laran.

“Konteudu lei protesaun labarik sira neebe iha perigu, purtantu ida nee sei hela iha projetu lei neebe maka agora tama iha prosesu inisial ba audensia nian entaun tuir lei katak, atu hetan debate iha PN nia prosesu inisial maka tenke liu husi audensia hodi bele entidades hotu-hotu hodi fo ninia paraser atu bele tau iha lei nee nia laran.” dehan nia ba jornalista sira iha Hotel Timor, Colmera, Kinta (08/07/2021).

Nia dehan, sentidu husi perigu iha buat barak exemplu iha inan-aman sira balun obrigatoriumente husik sira nia ona ba servisu iha luron.

Nia afirma, tuir lolos labarik sira nia diretu maka atu ba eskola no hetan protesaun, maibe dalabarak inan aman sira iha TL husik oan sira ba servisu fali iha luron.

Iha audensia primeiru konteudu 2 maka sira kestiona kana ba titulu projetu lei nee rasik, tanba iha lei nee sita deit ema iha perigu maibe la sita sentidu perigu ida oinsa.

Ida fali sira husu tau ema ho labarik deit, maibe la inklina mos ema ho defisiensia entaun husi ADTL husu oinsa atu engloba mos sira, entaun atu tau inklujaun mos iha laran tanba nee ingloba ona sira nia opiniaun iha laran.

Audensia nee rasik sei too iha dia 27 Jullu entaun iha tempu naton para halo audensia ho entidades barak hodi bele hetan informasaun klaru ba situasaun ida nee.

Aleinde nee Deputada Bankada CNRT, Maria Bareto Gorimali, hatete projetu lei protesaun diretus ba labarik nee importante tebes iha nasaun TL.

Tanba durante nee ita TL rasik seidauk iha lei neebe espesifiku atu proteje diretus labarik nian bazeia, ba kombesaun diretus labarik neebe maka estadu TL reatifika ona iha tinan 2002.

“Ita espera katak, ho audensia husi komisaun F Parlamentu Nasional nomos ho entidades sira neebe servisu iha area labarik nian, husu sira nia opiniaun relevante ho esbosu lei protesaun diretu labarik no risku ba joven sira, ita rekolla sira nia opiniaun para bele elabora diak liu tan ba iha esbosu lei ida neebe maka iha bele reprezenta ba lei protensaun diretus labarik iha TL,” dehan nia.

Nia afirma, bazeia ba esbosu lei enjeralmente katak, iha buat balun neebe maka la bazeia ba situasaun real iha rai laran, tanba iha mos kultura no ambiente ida neebe lahanesan iha nasaun avansadu rai sira seluk.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: