Komisaun F Seidauk Aprova Projetu Lei Protesaun Ba Labarik

DILI, STLNEWS.co – Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik no joven iha perigu, tanba presiza tempu hodi inklui relatoriu pareser husi entidades relevantes.

Tuir Prezidente Komisaun F, Deputadu Noe da Silva Ximenes “Buka Tuir” hateten, komisaun seidauk aprova pareser projetu lei protesaun labarik, tanba nee sei aprova pareser final iha loron 12 fulan Agostu.

“Husi relatoriu ikus ami nia audiensia finalmente, ohin lei nee ami la konsege halo aprovasaun, tanba konteudu husi relatoriu nee rasik lainklui pareser husi entidades neebe mak relevante, tanba nee sei fo tempu ba deputadu sira atu estuda tan lai, iha loron 12 mak foin halo aprovasaun ba lei nee,” dehan nia ba jornalista iha Resintu Parlamentu Nasional, Segunda (26/07/2021).

Deputadu nee dehan, tanba instituisaun relevantes neebe mak komisaun fo fiar hodi implementa projetu lei nee bainhira ein vigor mak hanesan Ministeriu Solidariedade Sosial no Inkluzaun (MSSI), Ministeriu Interior (MI), no Sekretariu Estadu Igualidade no Inkluzaun (SEII). Tanba nee durante audiensia, sira partisipa hotu.*

Reportajen: Santina Castro

Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: