Komisaun Interministerial Aprezenta Planu Ba TMR

DILI, STLNEWS.co – Komisaun Interministerial halao sorumutu ho Primeiru Ministru (PM) Taur Matan Ruak iha Palasiu Governu, hodi aprezenta kona ba planu manutensaun ba ro ahi nomos planu infraestrutura portuariu iha Timor Leste.

Tuir Ministru Transporte no Komunikasaun (MTK), Jose Agustinho hatete, enkontru ho Xefe Governu hodi halo aprezenta kona ba planu manutensaun ba ro ahi nomos planu ba infrestrutura portuariu.

“Ami nain hira mai audensia ho Primeiru Ministru iha asuntu rua mak ami aprezenta, primeiru mak kria kondisaun ba manutensaun ro ahi no asuntu seluk mak kona ba infraestrutura portuaria sira,” dehan Ministru Agustinho, hafoin sorumutu ho Xefe Governu iha Palasaiu Governu, Segunda (28/06/2021).

Nia dehan, durante nee Timor iha ro ahi pasajeiru no ro kontrolu seguransa sira, tanba Ministeriu sira mai hasoru PM nee sira neebe iha ro ahi Ministeriu Transporte no Komunikasaun, Ministeriu Defeza, Ministeriu Agrikultura e Peskas, liu liu Sekretariu Estadu Peskas, no Ministeriu Interior.

“Durante nee ita investe oinsa mak halo akizasaun sosa ro ahi, mais ninia manutensaun durante nee sai asuntu neebe mak sai preokupasaun ita hotu ninian, anualmente MTK infrenta iha situasaun hanesan tula pasajeiru ka tula kargu,” tenik Ministru Agustinho.

Aleinde nee iha enkontru nee, Primeiru Ministru Taur Matan Ruak husu Ministru Transporte no Komunikasaun (MTK) atu halo koordenasaun ho ministeriu neebe kompetente atu servisu hamutuk hodi bele fo apoia ba planu sira nee.

Primeiru Ministru alerta mai MTK katak, oinsa mak bele koordena ho lina ministeriu relevante. Segundu iha passadu iha apoia ajensia husi Governu Alamaña nian GIZ, sira durante nee fo apoia orsamentu partida nee politika governu nian entre governu Timor Leste no Alemana halo konstrusaun ro ahi, neebe oras nee dadaun iha hela progresu sira halo citraina ro ahi Berlin Ramelau.

Lina ministeriu sira nee mak enkontru ho Xefe Governu mak hanesan Ministru Transporte no Komunikasaun (MTK), Jose Agustinho, Ministru Defeza (MD), Filomeno Paixão de Jesus, Ministru Agrikultura e Peskas (MAP), Pedro dos Reis, no Vise Ministru Interior (V-MI), Antonio Armindo.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: