DILI, STLNEWS.co – Komisaun Organizadora ba pose Bispu Baukau, konvida Prezidente Republika (PR) Jose Ramos Horta atu partisipa iha serimonia importante nee.
Iha biban nee, reprezentante Komisaun Organizadora Pose Bispu Leadro Maria Alves, Padre Julio Cripin ba jornalista iha Palasiu Prezidente Bairru Pite, Kinta (13/07/2023) hatete, ohin ekipa komisaun organizadora mai halo enkontru ho Prezidente Republika, husu nia disponiblidade hodi marka prezensa iha serimonia tomada de posse ba Bispu foun Baukau sei Selebra iha dia 21 Julhu 2023.
“Ami husi Komisaun ordenasaun Bispo Dioseze Leandro Maria Alves mai koalia ho Prezidente Republika nudar aman nasaun nia atu iha disponiblidade ba partisipa iha eventu uma kreda nia ida nee, maski konvite mai, maibe konvite ofisial mai hasoru sua prezidente atu disponivel ba mos too Baukau,” dehan nia.
Padre hatutan, sira mos hatoo agradese ba PR Horta, tanba disponivel atu ba partisipa iha serimonia posse Bispo foun.
Padre Julio hatete, iha atividade lubuk ida hahu ho resepsaun ba Bispo foun, ho konvidadus de ondra sira, depois iha misa ordenasaun, tuir mai almosu konfraternizasaun. Liu tiha ida nee iha dia 23 sei iha premeira misa nuudar Bispo nia iha katedral misa tuku 09:30.
Partisipante neebe partisipante neebe partisipa iha serimonia tomada de posse mai husi Bispo husi Australia nain 2, Bispo Atambua nain 1inklui mos Bispo TL nia, no konfirmadu padre lubuk husi Atambua mai inklui mos Prezidente Republika, sei konvida mos PM, PPN, Deputadu sira inklui sarani Husi Dili, Maliana, Baucau, Vikeke, Manatutu, Same, Bobonaro no seluk tan.
Nia hatutan, preparasaun agora lao efetivu hahu husi sub komisaun, idak idak halao idak idak nia serbisu, protoku lao, liturjia lao, lojistika mos lao, neebe too loron selebrasaun ho Maromak nia tulun buat hotu lao diak.
Komisaun Organizadora mos sei konvida mos maluk relizaun seluk neebe mak iha Timor Leste hanesan Islam, Protestante, Hindu no seluk tan.
Prezidente Republika Jose Ramos Horta mos hatete, nia disponivel no prontu atu partisipa iha dia 20 de Julu deskansa netik iha Baucau, no 21 mak partisipa misa.
(eme)
