Komisaun Rekrutamentu F-FDTL, Publika Naran Kandidatura

DILI, STLNEWS.co Komisaun Rekrutamentu FALINTIL Forsa Defeza Timor-Leste (F-FDTL) fo sai naran kandidatura neebe liu ona teste ezame medika, pisikotekniku, eskrita oral, no fizika hamutuk 600.

Tuir Prezidente Komisaun Rekrutamentu F-FDTL tinan 2021, Brigadeiru Jeneral Calisto do Costa ‘Coliati’ hatete, ohin Komisaun Rekrutamentu FDTL tinan 2021 deklara ba publiku, ohin loron 15 fulan Setembru tinan 2021, Komisaun Rekrutamentu FDTL ofisial publika naran rekruta neebe konsidera aptus ka liu iha teste, hodi bele mai inkorpora instituisaun FALINTIL Forsa Defeza Timor-Leste.

“Komisaun husu ba joven feto no mane iha territoriu Timor laran tomak, neebe fulan rua liu ba mai tuir ona teste ou ezame medika, pisikotekniku, eskrita oral no fizika iha sentru do instrusaun Nicolao Lobato Metinaro, bele hakbesik an ba iha idak – idak nia munisipiu hodi haree nia naran,” dehan nia ba jornalista liu husi konferensia imprensa, iha Kuartel Jeneral Fatuhada, Dili, Kuarta nee (15/09/2021).

Brigadeiru nee dehan, Komisaun Rekrutamentu sei hodi lista ou naran ba taka iha fatin sira hanesan, Administrasaun Munisipiu, Komando Polisia Nasional ou munisipal, sede ba Konsellu Kombatentes Libertasaun Nasional no Konsellu Veteranus.

“Ba kandidatu hirak neebe naran sai ka pasa tenke mai aprezenta an imediata iha munisipiu hodi rona informasaun,” dehan nia.

Prezidente Komisaun Rekrutamentu F-FDTL tinan 2021 nee hatete, husi Loron kuarta 22 fulan Setembru tinan 2021 oras tuku 09:00, iha fatin Kuartel Jeneral F-FDTL Fatuhada, ba munisipiu hanesan Dili, Liquica, Bobonaro, Ermera, Manatuto, no Baucau, tenke aprezenta an ona iha fatin neebe determina ona, no iha loron Kinta 23 fulan Setembru tian 2021 oras tuku 09:00, iha fatin Kuartel Jeneral FFDTL Fatuhada, ba munisipiu hanesan Lautem, Viqueque, Manufahi, Ainaro, Covalima, Oecusse no husi kadetes rejime espesial, tenke aprezenta an ona, objetivu atu rona informasaun husi Komisaun Rekrutamentu nian.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: