Komite 12 Novembru Ezije Governu Rejolve Pensaun Ba Mate Restu

DILI, STLNEWS.co – Komite 12 Novembru husu Ministru Asuntu Kombatentes Libertasaun Nasional no Konsellu Kombatentes Libertasaun Nasional atu iha tempu badak rezolve lalais mate restu 12 Novembru sira nia direitu kona ba pensaun.

Tuir Prezidente Komite 12 Novembru, Gregorio Saldanha hateten, tuir informasaun neebe mak iha estadu Timor Leste sei disolve tiha Komisaun Omenajen, Supervisaun ba Rejistu no Rekursu maka Komite 12 Novembru.

Nia dehan, Komite 12 de Novembru agradese tebes ba knaar neebe mak Komisaun Omenajen halao ona durante nee, no hakruuk ba desizaun Governu, desizaun hodi hapara instituisaun komisaun Omenajen ho nia serbisu sira, ho razaun katak dadaun nee iha ona Ministeriu Asuntus Kombatentes Libertasaun Nasional ho Konseilu Kombatentes Libertasaun Nasional atu asume knaar ida nee.

“Komite 12 de Novembru hakarak ezije ba Ministeriu Asuntu Kombatente Libertasaun Nasional ho Konseilu Kombatentes Libertasaun Nasional iha tempu badak atu rezolve lalais Mate restu 12 Novembru sira nia direitu ba pensaun, tanba dadaun nee mate restu sira hein hela sira nia direitu ida nee desde tinan 2009 neebe mak to oras seidauk rezolve,” dehan Gregorio Saldanha liu husi konferensia imprensa neebe halao iha eis Komarka Balide, Kinta (08/07/2021).

Prezidente Komite 12 Novembru nee afirma, nia parte lamenta tebes tanba too oras nee partidu politiku neebe kaer Governu ukun tutuir malu maibe seidauk bele rezolve Kombatentes Libertasaun Nasional liu liu ba mate restu 12 Novembru sira nia direitu pensaun, tuir estatutu Kombatentes Libertasaun Nasional artigu 23.

“Ita triste tanba maluk balu hein hela sira nia direitu nee balun too mate tanba idade, tanba kondisaun vulneravel no moras, hanesan konsekuensia husi sira nia partisipasaun ba luta libertasaun nasional,” nia haktuir.

Tanba nee Diresaun Nasional Komite 12 de Novembro hamutuk ho nia estrutura sira iha baze sei kontinua ezije ba Ministeriu Asuntus Kombateme Libertasaun Nasional ho Konsellu Kombatentes Libertasaun nia Nasional too hetan nia solusaun ba mate restu nia direitu kona pensaun.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: