Komite 12 Novembru Halao Enkontru Ho CNC

DILI, STLNEWS.co – Ohin Komite 12 Novembru halao enkontru ho Centru Nasional Chega (CNC), tanba CNC mos hetan knaar husi governu, atu tau matan no salva guarda sitiu historiku sira nian orijinalidade, mak ohin hasoru hodi koalia konaba konstrusaun Masakre Santa Cruz.

“Enkontru ohin koalia konaba Masakre Santa kruz la kleur, no ikus mai deside atu hahu halo konstrusaun, CNC mos hetan knaar husi ita nia governu, atu tau ba matan ba salva guarda ita nia sitiu historiku sira nian orijinalidade, tanba nee mak importansia husi enkontru nee atu servisu hamutuk ho CNC para fo hanoin ba malu, no konstrusaun mos labele lori risku no labele halo lakon ita nia faktus historia sira, no ita nia objetu historia sira neebe mak iha,” lia hirak nee hato’o husi Prezidente Komite 12 Novembru Gregorio Saldanha ba jornalista sira iha CNC, Balide, Kinta nee (07/10/2021).

Nia informa, laos deit 12 Novembru, no sitius historia sira neebe mak CNC hatene, tanba saida mak CNC fo deit ba 12 Novembru. Sitius historiku iha Timor nee barak los, maibe ida mak akontesimentu Santa Cruz.

Iha fatin hanesan, Diretor Ezekutivu Chega Hugo Maria Fernandes dehan, enkontru ohin, kordenasaun servisu, hanesan ohin prezidente komite koalia ona kordenasaun, tanba tuir lei 48 lei CNC nian nee fo kompetensia ba CNC atu prezerva memoria pasadu.

“Bainhira ita koalia memoria pasadu nee, ita koalia ema nia historia, fatin, bainhira Komite 12 Novembru atu halo monumentu ida diak tuir kriteria balun, kriteria sira prinsipal liu mak monomentu nee labele halo lakon ninian orijin,” katak nia.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...