Komjer Aprezenta Atividade Operasaun 2020 Ba PR

Komandante Polisia Nasional Timor Leste (PNTL) aprezenta situasaun operasaun iha tinan 2020 nia, no atividade neebe mak PNTL halo ba iha Prezidente Republika Francisco Guterres Lú Olo. (Foto: Media PR)

DILI, STLNEWS.co – Komandante Polisia Nasional Timor Leste (PNTL) aprezenta situasaun operasaun iha tinan 2020 nia, no atividade neebe mak PNTL halo ba iha Prezidente Republika Francisco Guterres Lú Olo.

Bainhira remata aprezenta Komandante PNTL Komisariu Faustino Da Costa ba jornalista iha Palasiu Prezidente, Bairru Pite, Kinta (07/01/2020) hatete nee enkontru dala uluk iha tinan foun 2021.

“Enkontru dahuluk iha 2021 nee ho Prezidente Republika Francisco Guterres Lú Olo, ami aprezenta situasaun operasionais iha 2020 ninian no mos saida maka Polisia Nasional Timor Leste (PNTL) haree nafatin iha 2021oinsa atu insituisaun estadu ida nee kontinua halao servisu.” hatete Komjer.

Komandante PNTL nee hatutan iha enkontru nee Prezidente Republika Francisco Guterres Lú Olo hatoo maka kontinuasaun servisu tuir lei neebe iha no mos asegura nafatin, liu-liu iha estadu emerjensia pandemia surtu ida nee.

“Husu atu moras ida nee labele daet ba ita nia komunidade nee signifika katak mensajen ida badak, simples maibe Polisia Nasional Timor Leste (PNTL), ami sei esforsu liu tan atu labele iha tan buat sira neebe halo ita nia komunidade depois ema nee lori moras ba iha ita nia komunidade nia leet.” hatete Komandante PNTL.

Komjer hatutan implementasaun Estadu Emerjensia hahu husi dahuluk too mai agora, iha 2020 deit kuaze mais 1000 pessoas, kuaze ema rihun resin tama ilegal husi tasi tantu rai maran mak PNTL konsege kaptura.

Iha EE da sia Governu iha ona dekretu governu ba estadu emerjensia ikus nee maka koloka artigu ida kona-ba aplika koimas neebe kiik liu maka $30, másimu $50 maibe ida nee prosesu depois ema nee lori ona ba kuarentena depois PNTL entrega ba servisu imigrasaun halo kontinua sira nia servisu ba implementasaun lei imigrasaun ninian.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here