KOMJER Aprezenta Kazu Semanal Ba PR

DILI, STLNEWS.co – Komandante Jeral Polísia Nasional Timor-Leste (PNTL), Komisariu Faustino da Costa aprezenta kazu neebe mak akontese iha semana ida nee nia laran ba Prezidente Republika Francisco Guteres Lú Olo.

Bainhira remata enkontru, Komandante Jeral Polísia Nasional Timor-Leste (PNTL), Komisariu Faustino da Costa ba jornalista iha Palasiu Prezidente Bairru Pite Kinta nee (14/10/2021) hatete, ohin nia mai aprezenta situasaun semana ida nee nian, liu – liu kazu neebe mak akontese iha Munisipiu Baucau, Maliana no Laclubar, neebe polísia sei atende ka atua hela.

“Enkontru semanal neebe halo ho Prezidente Republika, aprezenta situasaun semana ida nian neebe ami aktualiza, liu – liu kazu sira balun ita boot sira akompaña karik, kazu Baucau ninian, kazu Maliana nian, hanesan mos akontesimentu iha Laklubar neebe agora polísia mos atende ka atua hela,” dehan Komisariu Faustino.

Faustino hatutan, durante iha semana ida nee nia laran, PNTL rejista kazu hamutuk 32, maibe kazu neebe boot liu nee mak kazu Baucau no Maliana.

Komandante nee hatutan, iha 32 kazus mak PNTL rejista, maibe kazu neebe boot nee mak kazu Baucau no Maliana ninian. No kazu Baucau prosesu lao hela, autor sira polísia detein ona no vitima balun mos iha ona ospital, no kazu nee iha relasaun familia.

Iha biban nee, Prezidente Republika Francisco Guterres Lú Olo mos husu ba iha Komandante Jeral PNTL, Komisariu Faustino da Costa atu kontinua prepara an, kria kondisaun oinsa para asegura membru sira nia servisu, tanba durante nee Xefe Estadu mos akompaña katak, kestaun rekursu umanu membru sira nian mos hanesan parte ida.*

Reportajen: Emerenciana Pinto

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...