KOMJER Aprezenta Seguransa Fronteira Ba PR

DILI, STLNEWS.co – Komandante Jeral (KOMJER) Polisia Nasional Timor Leste (PNTL), Komisariu Faustino da Costa aprezenta seguransa iha fronteira ba Prezidente Republika Francisco Guterres Lú Olo.

Bainhira remata enkontru Komandante Jeral PNTL, Komisariu Faustino Da costa ba jornalista iha Palasiu Prezidente Bairru Pite, Kinta (08/07/2021) hatete, ohin enkontru semanal aprezenta situasaun nivel nasional ba Prezidente Republika no aktualiza mos informasaun balun konaba akontesementu sira liu liu kazu membru polisia ida mate nee, no polisia fo seguransa ba ministeriu ka diresaun relevante sira ba ezekusaun mandadu sira neebe iha.

“Ami aprezenta ba sua excelensia konaba asaun fronteira nia katak iha estadu emerjensia neebe mak iha, aleinde ita reforsa seguransa tantu Unidade Maritima nomos Unidade Komando Munisipiu sira neeba, ami aprezenta informasaun sira nee ba sua excelensia,” hatete Komisariu Faustino.

Komandante Jeral PNTL nee hatutan, konaba kazu membru polisia ida neebe mak deskonfia oho husi nia laen prosesu lao hela.

“Ida nee prosesu lao hela klaru katak husi autor no nia familia mos ita nafatin husu atu kopera nunee bele entrega an,” katak nia.

Konaba variante foun neebe mak tama ona Indonezia, Komisariu Faustino husu joven sira mantein displina hodi tuir regra neebe mak iha, nunee variante nee labele tama Timor leste.

“Se ita hakarak variante foun nee labele tama Timor leste se ita boot hotu hakarak ita nee livre husi Corona Virus, ida nee disiplina no displina intermus saida, hotu hotu kumpre regra neebe iha no koopera ho autoridade hotu neebe iha,” katak nia.

Iha biban nee Prezidente Republika Francisco Guterres Lú Olo husu buat rua ba ba Komandante Jeral PNTL atu nafatin asegura fronteira para variante foun labele tama mai Timor Leste. No assuntu segundu mak husu komandante kontinua haree membru sira no fo hanoin nafatin ba membru sira nunee bele haree serbisu nee ho diak.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: