DILI, STLNEWS.co – Komando Jeral Polisia Nasional Timor Leste (PNTL), Komisariu Faustino da Costa, aprezenta situasaun rai laran no mos preparasaun tomada de pose ba prezidente eleitu neebe mak sei realiza iha Tasi Tolu, no informa mos loron 20 fulan Maiu ba Prezidente Republika Francisco Guterres Lú Olo.
Wainhira remata hasoru malu, Komando Jeral PNTL, Faustino da Costa ba jornalista iha Palasiu Prezidente Bairru Pite, Kinta nee (05/05/2022) hatete, nee enkontru semanal ho Prezidente Republika, iha asuntu rua ida mak aktualiza situasaun iha teritoriu laran tomak lao diak no pontu segundu mak konaba preparasaun PNTL ba serimonia selebrasaun loron 19 fulan Maiu no loron 20 fulan Maiu nian ba Xefi Estadu
Komjer nee dehan, oras nee PNTL mos prepara kondisaun oinsa mak simu bainaka VIP sira neebe mak partisipa iha selebrasaun pose ba prezidente eleitu Jose Ramos no mos loron 20 fulan Maiu nian.
“Se ita iha lista konfirmadu ka lista final konaba VIP tantu VVIP, ida nee mak sai akomodasaun ou fatin hela ba entidade sira nee, nunee mos atu asegura haree protokolu se mak mai Xefi Estadu ka Xefi Governu ka membru governu, tanba nee mak ita iha ona regra propriu ba ida nee,” dehan Komando PNTL.
Kontinua ba pajina 2
