KOMJER Atualiza Situasaun Teritoriu Ba PR

DILI, STLNEWS.co – Komandante Jeral Polisia Nasional Timor Leste (PNTL), Komisariu Faustino da Costa atuliza situasaun iha teritoriu nasional ba Prezidente Republika Francisco Guterres Lú Olo.

“Ohin halo fila fali enkontru ho Prezidente Republika, hodi atualiza situasaun aktual iha teritoriu nasional katak, situasaun lao diak,” dehan nia.

Komandante PNTL bainhira remata enkontru, Komandante Faustino ba jornalista iha Palasiu Prezidensial, Bairo Pite, Kinta nee (07/10/2021).

Nia hatete, durante nee komando la halo enkontru ho Xefe Estadu, tanba situasaun Covid-19. Nee mak ohin halo fali enkontru hodi atualiza situasaun atual iha teritoriu nasional.

Komandante PNTL nee hatutan, asuntu segundu atualiza mos konaba atendimentu polisia nia, liu – liu kazu ultrapasa ilegal sira. No assuntu terseiru atualiza konaba PNTL nia preparasaun ba iha atividade, liu – liu preparasaun ba iha eleisaun prezidensial nian, neebe mak realiza iha tinan 2022.

Iha biban nee, Prezidente Republika Francisco Guterres Lu Olo mos husu Komando PNTL atu kontinua halo seguransa, liu – liu haree ba sidadaun sira neebe mak ultrapasa ilegal husi Timor Leste ba Indonezia, nomos husi Indonezia mai TL.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here