Komjer Orienta Komandu Munisipiu Asegura Loron Finadu

KomandoJeral Polisia Nasional Timor-Leste, halao sorumutu ho komadante polisia Munisipiu sira hodi asegura seguransa ba loron finadu tinan nee. (Foto: Media PR)

DILI, STLNEWS.co – Komandu Jeral Polísia Nasional Timor Leste (PNTL) Komisariu Faustino da Costa fo ona orientasaun ba Komandu Polísia Munisipiu sira hodi asegura loron finadu.

Komandu Jeral Polísia Nasional Timor Leste (PNTL) Komisariu Faustino hatoo kestaun nee bainhira remata hasoru malu ho prezidente republika Francisco guterres Lú Olo iha palasiu Prezidente Bairru Pite, Kinta (22/10/2020).

“Preperasaun PNTL seguransa ba lorin finadu ninian, klaru iha dezafiu ita tenke asegura duni, orientasaun Komandu maka nee ita iha problema, difikuldades maibe, misaun ka obrigasaun ita nian maka tenke garante tantu iha Kapela, Igreja nomos iha rate nee tenke evita, polísia nia prejensa halo nusa atu hamate ema balun neebe hanoin hakarak halo problema ka destrui,” dehan Komjer.

Komjer dehan riskus nee iha fatin lubuk ida maibe hanoin nee Komandu haree tanba PNTL orienta ona Komandu Distritu relevantes atu oinsa asegura.

“Primeiru ita klaru katak loron finadu nee hanesan Timor oan kultura ita nian nee sempre vizita matebian, avo sira, ita vizita signifika ita hadomi, maibe matebian, primeiru bainhira ita hadomi sira, ita mos tenke hadomi ita nia aan, halo viajen ida seguru, hadomi ema seluk atu labele hamosu problema, liu-liu iha tempu ida neebe ita vizita, ita nia matebian sira,” hatete nia.

Komandante PNTL nee hatutan karik husi Dili desloka ba munisipiu inklui RAEOA seguransa ba aan nee importante, asegura uluk aan, antes ba hasoru matebian nee importante, lalika hanoin dehan hakarak ba ohin, kareta nakonu mos tenke tabele, tenke obriga dee labele.

Tanba imi rasik inklui Komjer PNTL la hatene, kareta neebe atu sae nee nia kondisaun halo nusa, diak lae, entaun asegura ida-idak nia aan, liu husi evita atu labele obriga aan uza transporte sira, liu-liu transporte publiku nee liu kapasidade ka viatura sira nee nian nee rasik.

Nunee sira neebe halo viajen ho transporte privadu evita maka labele ho kondisaun rua lanu tau influensia ba alkohol evita ida, seluk maka tenke deskansa naton, se deskansa la sufisiente maka bele dukur, bele kolen entaun ikus mai bele mosu buat neebe lakohi atu akontese, tuir, rona halo tuir saida maka atividades iha postu ka iha terminais sira neebe koloka kona-ba kestaun seguransa ba ema ida-idak.

Faustino hatutan orientasaun Komandu fo ona ba munisipiu sira, kareta neebe tula ema kapasidade hira ida nee maka sei halo movimentu. Agora ba motorista hotu-hotu tantu transporte publiku, privadu halo knaar ho responsabilidade tenke deskansa iha tempu neebe sufisiente atu labele dukur, labele kolen tanba laos lori naha, maibe lori ema, tanba nee tenke iha responsabilidade ba ida nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here