Komjer Relata Situasaun Aktual Ba PR

DILI, STLNEWS.co – Komandante Jeral (KomJer) PNTL relata situasaun aktual ba Prezidente Republika (PR), iha teritoriu nasional.

Bainhira remata enkontru Komandante Jeral PNTL Faustinho da Costa ba jornalista, Kinta (27/05/2021) iha Palasiu Prezidente Bairu-Pite.

“Enkontru ida ohin aprezenta situasaun aktual rai laran ba Prezidente Repúblika, ita hatene situasaun iha nivel teritoriu nasionál lao ho diak. Iha akontesementu balun iha asaltu grupu tuda malu, depois balu prosesu neebe ita iha, ita atende no nota nafatin katak husi Eis grupu arte marsiais sira hanesan akontesementu iha Munisípiu balun neebe agora dadauk prosesu polísia atende hela,” informa Komjer Faustino.

Nia dehan,Situasaun jerál iha nivel teritoriu lao diak, segundu mak situasaun nee, agora iha estadu emerjensia, serka sanitaria no mós konfinamentu domisiliaru jerál, neebe situasaun ida nee hanesan saida mak polísia nasionál halo hodi asegura hodi implementa, tanba nee ohin sira aprezenta informasaun hirak nee ba Prezidente Repúblika.

“Hanesan mos ita boot sira akompana atuasaun balun, neebe husi polísia, tanba asegura prosesu hotu dalaruma dehan katak iha kazu balun neebe mosu. Maibe atu dehan deit katak, akontesementu hirak nee akontese duni, maibe komandu laós atu nonok tanba komandu hasai ona ekipa konjuntu, tantu husi inspesaun no departamentu justisa hodi ba hasoru vitima sira no mos membru PNTL sira,” hatete nia.

Nia informa, aleinde kazu Tasi Tolu no mós kazu dala ruma, rona no akompana iha Liquica foho, nunee mos iha Suai.

Tuir nia, iha prosesu rua, interna no prosesu eksterna, haree situasaun neebe akontese laos ida nee deit, maibe hirak neebe iha, ema hotu tantu komandu PNTL rasik enkontru ona ho Vice Ministru Interior. Bainhira iha prosesu disiplinar buat ketak ida, maibé auditoria ba hotu-hotu nee buat ketak.

Nia afirma, iha orientasaun komandu kualker aktividade operasional nee sempre eskrita, orientasaun hotu sempre eskrita, la koalia verval orientasaun sira nee mos eskrita. Maibe komprende dala ruma intrepetasaun informasaun eskrita sira nee mos la too ba membru ida-ida. Minimu iha komandu seksaun no komandu pelotaun neebe Lidera hodi orienta berval ba iha kraik.*

Reportajen: Guilhermina Franco / Emerenciana Pinto
Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: