KomJer Relata Situasaun Rai Laran Ba PR

DILI, STLNEWS.co – Komandante Jeral (KomJer) Polisia Nasional Timor Leste (PNTL), Komisariu Faustino da Costa relata situasaun atual rai laran ba Prezidente Republika (PR) Francisco Guterres Lú Olo.

Bainhira remata enkontru, Komandante Jeral PNTL, Komisariu Faustino Da Costa ba jornalista iha Palasiu Prezidente Bairru Pite, Kinta (24/06/2021) hatete ohin enkontru semanal hodi aprezenta situasaun aktual nivel teritoriu nasional ba Prezidente Republika.

“Dala ida tan situasaun teritoriu nasional lao diak, iha akontesementu balun, kazu balun ke akontese hanesan insidente iha semana liu ba neebe akontese iha Manufahi nomos hanesan mos asidente neebe ita boot sira akompanha asidente fatal neebe mak akontese iha 23 hodiseik” hatete KomJer Faustino.

Komandante PNTL nee hatutan, asidente neebe mak akontese liga ba Euro 2020 mak halo asidente balun neebe mak akontese iha Kuluhun, no Komando atende iha ona prosesu tantu mos balun iha Delta tamba kestaun adeptus katak ida manan ida lakon, entau ida lakon la sastisifas ikus mosu asidente.

“Hau hanoin buat nee buat ketak ida, ita bele fans ba nasaun seluk maibe realidade ita mos hatene no rekonese mos labele dehan ita lakon ona, ita haree ita nia maluk seluk lagosta maibe nasaun seluk malae mak joga nusa mak ita halo fali hanesan nee ba ita nia maluk sira,” katak Faustino.

KomJer hatete nia hasoru PR hodi relata situasaun asidente no insidente neebe mak akontese iha rai laran, nomos desizaun estadu emerjensia, hirak ida nee mak hatoo ba PR.

Faustino hatutan rejulusaun neebe iha mos hatete katak iha Baucau mos sei koloka konjuntu posto integradu hanesan mos iha Dili koloka iha Tasi Tolu, Metinaro, no Manleuana Mota Klaran.

Nunee mos oras nee, Governu estende tan estadu emerjensia ba dala 15, Polisia Nasional Timor leste prontu nafatin atu ezekuta ordem.

Nia hatutan, kazu neebe mak akontese iha semana ida nee hamutuk 26 kazu no kanek todan nain neen (6) no mate nain 1, no husi kazu hirak nee fator mai husi ema, no dominante husi asidente hotu iha Timor nee neglijensia humana no ignoransia ema nia kontra regra kodigo estrada nia.

Nunee kazu neebe iha mak rezultadu ikus mosu deit suspende ka hapara temporariu serbisu nee komando nia kompetensia. Se too iha demisaun nemak Komando hatoo ba Governu.

Iha enkontru nee, Prezidente Republika (PR) Francisco Guterres Lú Olo mos haree no koalia mos konaba adeptus futebol nia neebe mak Timor leste fans ba nasaun A no B neebe ikus sai problema husu PNTL haree mos ida nee.

No asuntu segundu mak konaba estadu emerjensia katak bainhira Governu hatun desizaun ruma konaba estadu emerjensia, Polisia Nasional Timor leste prontu ezekuta nafatin lei no ordem neebe mak iha.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: