KomJer: Situasaun Rai Laran Diak Hela

DILI, STLNEWS.co – Komandante Jeral PNTL, Komisariu Faustino da Costa hasoru malu ho Prezidente Republika, Francisco Guterres Lú Olo relata situasaun rai laran ba Xefe Estadu, iha biban nee KomJer hatete situasaun rai laran diak hela.

Komandante Jeral PNTL, Komisariu Faustino da Costa hatoo kestaun nee ba jornalista, bainhira remata hasoru malu ho Prezidente Republika, Francisco Guterres Lú Olo iha Palasiu Prezidente Bairru Pite, Kinta (10/06/2021).

“Enkontru semanal neebe hau ho segundu komandante halo ho Prezidente Repúblika normalmente aprezenta ita nia situasaun rai laran, aprezenta situasaun lao diak kalma, aprezenta mos liga ba estadu emerjensia lao hela saida mak Polisia Nasional Timor Leste halo” hatete Komandante Jeral nee.

Iha hasoru malu nee, KomJer mos relata ona kazu neebe mak akontese iha Lahane nee ba iha Prezidente Republika katak, kazu nee tuir lei.

“Aleinde kazu ida ikus-ikus nee sai hanesan preokupasaun publiku boot, ida nee ami aprezenta no husi Prezidente Republika mos dehan katak prosesu hotu lao tuir lei neebe iha, i segundu PNTL aproveita oportunidade ida nee, haree ida nee para kontinua halao serbisu, halao husi parte ida ka oknum ida ou pesoal ida, mas laós instituisaun Polísia Nasional” hatete Komjer.

Nunee mos konaba estatutu Polisia Nasional Timor Leste, Faustino hatete ida nee sira koalia bebeik ona, no oras nee aprezenta ona ba Governu.

“Ida parte nee laos foin mak ami koalia, ita boot sira hatene ami sempre koalia beibeik PNTL 21 Anos mas buat ida estatutu nee agora mak ita aprezenta hela ba governu, maibe ita mos tenta halo iha reforma ka hadia lejislasaun seluk tanba nee mak iha proposta ida husi komandu prepara ona laos deit ba estatutu pesoal ida polísia, maibe proprio organika regulamentu disiplina no rejime sira seluk neebe ligasaun sira nee hotu ami aprezenta ona ba iha governu, fiar katak sei hetan rezultadu ida diak” katak nia.

Husu mos kona ba prosesu investigasaun kazu sunu uma iha Lahane nee, Faustino hatan, ida nee investigasaun iha Komando Munisipiu haree hela.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: