Kompania Salimagu Halao Nia Serbisu Normal, La Iha Devidas Ho Estadu

DILI, STLNEWS.co – Relasiona ho kompania nain Salimagu ba hatan iha tribunal, maibe ba prosesu nee nia parte selu hotu ona devidas no penalty ba estadu no autoridade tributaria no agora dadaun serbisu kompania lao normal.

“Tuir lolos prosesu nee bolu prosesu administrativa nian konaba taxa, no taxa nian nee prosesu nee kleur tiha ona hahu inisiu 2017, depois autoridade tributaria mai halo auditoria, no rezultadu sai iha item balu neebe ita halo rekursu, husi rezultadu rekursu nee sai la rekonese item sira nee, neebe ami halo akordu ida ho autoridade tributaria ami selu hotu ona iha 2019,” dehan Diretor Kompania Salimagu, Sanção Gomes ba STL, iha nia knar fatin Tersa (22/06/2021).

Nia hatutan, tribunal bolu ona nia mos ba atu deklara katak, dever halao ona tuir rezultadu auditoria selu hotu ona, halo akordu prestasaun pagamentu ho autoridade tributaria neebe rezolvidu ona iha 2019.

Tanba nee agora dadaun kompania la iha devidas ho estadu no autoridade tributaria nein sentavus ida, no agora dadaun kompania hetan sertidaun hodi halao nia knar hanesan babain.

Nunee situasaun hanesan nee tuir nia iha autoridade tributaria maka rezolve, kuandu iha neeba labele ona maka lori ba iha MP hodi halo akuzasaun. No sira nian nee rezolve iha neeba, la hatene tanba sa prosesu nee lori ba iha tribunal.

No sira autoridade tributaria deklara katak, sira la halo keixa ba iha MP tanba auditoria lao, kompania halo hela rekursu, tanba nee hein desizaun tomak iha tribunal.

Antes nee, iha loron Segunda (21/06/2021), nain ba kompania hanesan arguidu, deklara ba faktus neebe tribunal lee katak, faktus neebe iha balu loos no balu laloos.

Arguidu deklara katak, iha tinan 2017 nia simu notifikasaun husi diresaun imposto atu halo auditoria no husu kompania prepara dokumentus hodi hatama husi tinan 2012 too tinan 2016 nian.

Depois nia fornese tiha dadus ba, no simu fali informasaun husi sira auditoria husu atu fornese tan dadus husi tinan 2009 too 2011.

Arguidu deklara, rezultadu auditoria fo sai arguidu halo kedan pagamentu ba taxa husi tinan 2012 too tinan 2016.

Arguidu deklara, iha fali loron 8 nia parte hatama fali rekursu ida, tanba prosesu auditoria sira la rekonese item ida konaba sosa rai. Depois tinan ida maka fo sai nia rezultadu, sira mantein la rekonese kompania maka sosa.

Maibe arguidu rekonese, nia selu ona taxa dala tolu, hanesan iha loron 08/03/2018 selu taxa impostu ba tinan 2010 ho total US$ 667.10. Iha loron 08/03/2018 selu taxa impostu ba tinan 2011 ho total US$ 422.98. Iha loron 09/03/2018 selu taxa impostu ba tinan 2009 ho total US$ 10,277.37. Tanba nee total taxa impostu neebe kompania Salimagu Unipessoal Lda selu tiha ona mak US$ 11,367.45, husi total taxa neebe tenke selu US$ 43,641.34.

Nia deklara tan, konaba taxa impostu restu nee US$ 33,256.06, nee nia parte iha momentu neeba atu selu, maibe hein hela desizaun ba rekursu neebe nia hatama, maibe desizaun ba rekursu nee sai atu besik tinan ida. No desizaun sai nia parte selu kedan osan restu neebe iha.

Tanba nee agora dadaun, nia la iha devidas ruma ba estadu, tanba parte auditoria ba halo notifikasaun liu deit loron balu nia selu ona taxa ba parte dala tolu nian. No ikus mai desizaun rekursu sai, nia selu tan osan restu neebe iha. No la iha tan devidas ba estadu.

Ba prosesu ida nee, MP akuza nain ba kompania komete krime fraude fiskal neebe previstu iha artigu 314 husi KP. *

Reportajen: Terezinha de Deus
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: