Komunidade 198 iha Suku Lahane Oriental Afeita Ba Inundasaun

Xefe Suku Lahane, Trindade do Amaral Batista. (Foto: STL/Maria Tavares)

DILI, STLNEWS.co – Relasiona ho inundasaun neebe mak akontese foin lalais nee iha sidade Dili, ho nunee komunidade hamutuk 198 husi suku Lahane Oriental mak afeta ba inundasaun.

Lia hirak nee hatoo husi Xefe Suku Lahane, Trindade do Amaral Batista ba jornalista sira iha Sede Postu Administrativu Nain Feto, Kinta (08/04/2021),

Nia hatete, atu koalia konaba risku dezastre naturais nee risku hotu, maibe ba afetadu nee la hanesan.

“Total komunidade afetadu ba iha inundasaun iha dia 4 domingu foin dadauk nee 198 afetadu ba inundasaun, husi 198 nee iha aldeia rua mak grave liu, ida mak aldeia Bekoe no Suburama iha Aldeia Suburama nee uma neebe afetadu hamutuk 68, depois iha Aldeia Bekoe hamutuk 28,” dehan nia.

Nia informa, purtantu iha aldeia Suburama uma kuaze sanulu (10) mak hetan estragus total motorizada iha ualu (8) iha Aldeia Bekoe, uma hitu (7 nee mak estraga total, husi sira nee foin hetan estragu ba inundasaun, iha aldeia sira seluk bee tama deit ladun estraga buat barak iha balu tein mak araska tanba bee tama ba uma laran.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here