Komunidade Becora Hato’o Preokupasaun Ba Komisaun E

DILI, STLNEWS.co Reprezentante komunidade husi Suku Becora, Tomas da Costa Monteiro hato’o preokupasaun ba Komisaun E iha Parlamentu Nasional, relasiona ho kompania sira tau fali besi tolu iha valeta laran, hodi fo impaktu ba komunidade sira, bainhira tempu udan.

“Ohin hasoru Komisaun E nee, konaba inundasaun iha loron 4 fulan Abril  liuba nee, fo impaktu ba aldeia 2, Aldeia Klafuik ho Caceu-Laran, iha kompania ida ba halo progresu iha neeba, pelumenus halo buat neebe mak komunidade hakarak, sira ba harii tiha besi tolu ba valeta nia klaran, no sira fui halo aas tiha, entaun bainhira mota tuun husi Kulau mai, bee soke iha besi nee, hodi sai fali ba tama populasaun nia uma. Tanba nee mak ami hasoru deputadu sira, hodi hato’o aspirasaun ida nee, para sira bele hato’o hela ba ministeriu neebe mak relevante,” dehan nia ba jornalista sira, bainhira remata hasoru Komisaun E iha PN, Kuarta nee (06/10/2021).

Nia hatete, hakarak ka lakohi, hasai tiha besi tolu neebe mak kompania tau iha valeta laran nee, para mota Kulau tun nee lao ho diak.

Iha biban nee, resposta husi parlamentu nian katak, iha tempu badak sira sei ba haree situasaun, depois sei hato’o liu ba ministeriu relevante. Tenke hasai tiha besi nee para labele halo valeta klot.

Nunee mos komunidade Agusto Soares mos infoma, husu ba governu tau eskavator no kameuneta ida iha fatin neeba para hodi suru foer, tempu udan lori foer sira tuun mai, bee nee tuun mai lori rai henek fatuk no foer, ami hakarak tenke normaliza lalais.*

Reportarjen: Natalina Lopes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...