DILI, STLNEWS.co – Festeza Selebrasaun Festa Jesus Divina Mizericordia neebe monu iha loron 16 Abril tinan nee, Komunidade Devoto Jesus Divina Misericordia realiza seminariu ho tema “Mizericordia Divina Mai Ita Ema no Natureza”.
Liafuan murak nee hatoo husi Promotor Jesus Divina Mizerikordia, Pe. Evaristo Fernandes ba STL iha Salaun Sao Jose Katedral Vila Verde, Dili, Kuarta nee (12/04/2023).
“Ami halo seminar ida konaba Jesus Divina Mizirocordia nia tema ho Maromak nia Misericordia nia ema nomos ba natureza, nee atividades ida entre atividade sira seluk nudar preparasaun hodi prienxe semana mizericordia nee, hodi prepara aan ba festa Jesus Divina Mizericordia i segundu domin da paskua,” hatete nia.
Pe. Evaristo hili tema Mizericordia Divina mai ita no natureza atu devotus sira bele kompriende diak liu tan Maromak nia mizerikordia ba ita ema, oinsa atu hatudu ita nia mizerikordia ba natureza, tanba haree ambiente oras nee daudaun Timor laran, espesial Dili sai hanesan fatin lixu, koko atu konsensializa devotus sira ba sarani, oinsa hatudu laran luak ka mizericordia ba ambiente ba natureza.
Tanba relasiona ho Papa Francisco nia kokumentu konaba Laudato Si neebe haree natureza sai nudar uma hamutuk nee, oinsa atu kuida uma hamutuk nee mos saudavel moris iha harmonia iha ksolok nia laran.
Partispa iha serimonia nee devotu mizericordia mai husi parokia hotu iha Dili laran, orador ba seminar nee Pe. Carlos Ruben konaba Mizericordia Maromak ba ita ema parte biblia nian, Pe. Jose Maia koalia konaba Mizericordia Maromak nian ba ita no natureza.
Semanariu nee halao loron ida deit, tanba atu hatene klean liu tan konhesimentu devotu sira nian ba Jesus Mizericordia.
Atu selebra festa Jesus Divina Mizericordia ho atividade sira hanesan, novena durante loron 9 nia laran, halo seminar atu bele kompriende diak liu tan Maromak Mizericordia, nunee tau iha pratika halo asaun konkretu, i sei konkretiza seminar nee sei halo limpeza jeral husi Igreja Sao Jose Aimutin mai too Igreja Katedral.
Tanba iha loron Sabdu sei halo prosisaun Jesus Divina Mizerikordia husi Igreja Sao Jose Aimutin, ami hakarak lori Jesus nia imajen sai iha ambiente neebe moos, para hatudu ita nia respeitu venerasaun no respeita publikamente, depois prosisaun sei halo Konfesaun ba devorus ba sarani sira hotu, para preparaa aan ba iha Festa Jesus Divina Mizericordia selebra iha loron Domingu nee, grasa boot neebe sarani hetan mak prepara aan atu bele hetan indulsia plenaria, tanba nee misa nee sei presiza husi Dom Virgilio Cardeal do Carmo da Silva, SDB.
Iha fatin hanesan, Devotus Jesus Divina Mizericordia Parokia Motael, Maria Margarida Nunes hatete,” hau kontenti tanba husi seminar nee bele haklean hau nia fiar ba Jesus Divina Mizericordia, tanba ho Jesus ita hetan salvasaun, tanba Jesus hadomi ita halo aan kiak tun husi lalehan mai atu salva ita nia klamar, halo ita sai Maramak nia oan, halo ema sai diak diu tan tuir Nia hanorin,” dehan nia.
(joa)
