Komunidade Fo Onra Ba Xanana

DILI, STLNEWS.co – Lider Karismatiku Kay Rala Xanana Gusmão kontinua observa nia ekipa ba normaliza estrada iha Maslidun, komunidade sira orgullu no onradu, tanba bele livre ona halo movimentu.

Observasaun Lider Istóriku nee halao iha Sabado (22/05/2021), Maslidun, Tasitolu, neebe mak oras nee dadaun ekipa X-Team (Xanana Team) nian kontinua normaliza ka ateru estrada neebe bee okupa, tanba volume bee Lagoa neebe aumenta iha, situasaun kalamidade iha loron 4 fulan Abril fulan kotuk.

Tuir Paulo Vakum hanesan, Xefi Bairu Bandera-Hun, Lagoa 1, Maslidun hatete, “nuudar komunidade ami sente kontente, i onradu, sente livre tanba depois de inundasaun ami sente ami nia aan laiha dignidade, tanba ami laiha livre atu asesu ba nesesidade publiku hanesan bee-mos, ba merkadu, ba ospital ami halo movimentu ba mai difisil tebes, hahu kedas iha dia 4 abril, maibe ho apoiu avo Nana nian ami sente livre bele movimentu,” katak Paulo ba STL iha Maslidun, Bandera-Hun.

Nia dehan, iha bairu neebe sira hela ba uma kain 116, no total ema atus 5 resin, neebe ho apoiu Avo Nana nian nee halo sira sente kontente tebes, tanba bele asesu ona ba estrada hodi halao sira nia atividade.

Nia haktuir, iha sira nia bairu total uma kain 116, no iha uma kain 64 mak hetan afetadu, iha 43 mak afetadu grave no 16 mak afetadu kaman. Tuir nia, depois de akontesementu nia halibur dadus sira husi família nunee sira hetan apoiu fós, no sasan sira seluk tan.

Tuir nia, sira kontente, tanba estrada nee ateru hikas husi avo Nana, ida nee sira komunidade neebe hela iha nee, sei movimentu hanesan ema, tanba nee agradese no obrigado ba avo Nana nia apoiu hodi supa danau no normaliza estrada.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: