DILI, STLNEWS.co – Komunidade iha Bairru Hudi Laran, dadersan deit hahu hamriik ona iha linha formatura hodi ezerse sira nia direitu vota hili Prezidente Republika foun ba periodu tinan 2022-2027 iha estasaun votu Kampu Futsal Radio Falintil, Hudi Laran.
Tuir Marcos Antonio Ximenes nudar Xefi Estasaun Votasaun Kampu futsal Radio Falintil Hudi Laran dehan, fatin votasaun loke iha tuku 6:00 OTL no estasaun votu loke iha tuku 7:00 dadersa.
Responde perguntas jornalista konaba situasaun seguransa katak, hahu horseik too agora situasaun seguransa la iha problema, buat hotu lao diak dezde horiseik too agora povu ezerse sira nia direitu vota, situasaun lao hakmatek.
Nia dehan, situasaun diak dezde horiseik too agora no iha estasaun votasaun nee poling staf 10, Prezidente Estasaun 1, nunee fiskais husi kandidatu Prezidente Republika Jose Ramos Horta ho Francisco Guterres Lu Olo mos kompletu inkui observador nasional no internasional iha estasaun votasaun Hudi Laran.
(jos)
