DILI, STLNEWS.co – Relasiona ho eleisaun prezidensial segunda volta, oras nee daudaun komunidade husi Suku Komoro entuziasmu tebes hahu forma husi tuku 6 liu, iha sentru votasaun Eskola Primaria 05 kampun baru molok staf STAE loke votajen, sira forma nakonu ona iha linha hodi ezerse sira nia direitu de votu atu hili kandidatura Prezidente Republika foun ba iha periodu tinan 2022-2027.
Tuir observasaun jornalista STL iha sentru votasaun Eskola Primaria 05 kampun baru, Komoro, Dili Tersa nee (19/04/2022) katak, komunidade sira entuziasmu tebes, tanba dader deit populasaun sira kompostu husi ferik, katuas, klosan, inklui joven sira neebe mak idade foin too, hahu forma ona iha sentru votasaun neebe mak estabelese iha Sede Suku Comoro area Eskola Primaria 05 Kampun Baru, hodi ezerse sira nia direitu de votu.
Entretantu, sentru votasaun nee rasik iha estesaun 3 hodi atende ba populasaun sira neebe ezerse sira nia votu. Nunee mos iha odamatan votasaun staf STAE kaer hand sanitazer rega uluk ba eleitores sira nia liman molok tama ba iha sala votasaun, tanba iha eleitores balu uza maskara no balu lae.
(dom)