Komunidade Lamenta FP Barak Seidauk Vasina

DILI, STLNEWS.co Komunidade Suku Madohi preokupa tebes ho Funsionariu Publiku (FP) neebe kada fulan simu salariu husi governu, maibe la obedese ba programa governu nian, konaba kampana vasinasaun.

Tuir Delegadu Naroman Suku Madohi, Jose Soares Maia husu ba governu atu kontrola FP sira neebe seidauk simu vasina.

“Hau hatene momos katak, iha oknum profesor, FALINTIL – Forsa Defeza Timor Leste (F-FDTL), Polisia Nasional Timor Leste (PNTL) sira nee mak lakohi vasina, ami povu nee prontu deit, saida mak governu hatun mai, ami hatene katak governu nee ami nia inan, no estadu nee ami nia aman, kuandu haruka ami vasina, ami prontu 100% halo tuir deit,” dehan Jose Soares Maia iha Aldeia Terra Santa, Bairo da Paz, Suku Madohi, Dili, Kinta nee (07/10/2021).

Tuir nia, FP sira neebe kada fulan simu salariu tenke fo ezemplu, nunee komunidade sira bele lao tuir, maibe kontra fali programa governu nia konaba kampana vasinasaun nee.

Aleinde nee, nia mos husu ba governu, liu – liu Ministeriu Edukasaun, Juventude, no Desportu (MEJD), atu tau atensaun makaas ba profesor sira neebe mak seidauk vasina, tanba bele hadaet moras Covid-19 ba estudante sira.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...