Komunidade Musulmanu TL Ohin La Selebra Loron Idul Fitri

DILI, STLNEWS.co – Komunidade musulmanu iha Timor Leste, liu-liu kapital Dili ohin Kinta nee labele selebra loron Idul Fitri, tanba tuir rezolusaun governu neebe implementa konfinamentu obrigatoriu no bandu mos atividade relijioza sira.

Tuir Prezidente Konsellu Nasional Islamiku Timor Leste, Pascoal Lemorai katak loron Kinta Feira ohin komunidade musulmanu iha mundu tomak inklui Timor Leste komemora loron Idul fitri.

Maibe iha Timor Leste liu-liu iha kapital Dili labele selebra, tanba pandemia Covid-19 neebe dadaun iha, nunee komemorasaun ba loron Idul Fitri tinan nee labele realiza.

“Hau hanoin loron ohin komunidade musulmanu tomak iha teritoriu laran inklui nasaun seluk atu selebra loron Idul Fitri, maibe tanba ita dadaun nee infrenta moras Covid-19, tanba nee atividade selebrasaun loron Idul Fitri ba ohin loron ita labele realiza,” dehan Pascoal Lemorai iha masjid Kampung Alor, Kinta nee (13/05/2021).

Masjid An-nur, Kampung Alor, Dili. (Foto: STL/Alberto Menezes)

Tuir nia, atividade selebrasaun loron Idul Fitri iha tinan nee labele realiza tanba governu hasai ona rezolusaun governu nia, bandu atividade relijioza sira liu liu iha kapital Dili tanba numeru infesaun moras Covid-19 kontinua aumenta.

“Governu hasai ona rezolusaun ida hodi implementa serka sanitaria no konfinamentu obrigatoriu ba munisipiu Dili, no bandu mos atividade relijioza sira, tanba nee iha tinan nee antes loron tolu tama ba iha komemorasaun nee, ami deside ona katak sei la iha atividade komemorasaun ba loron Idul Fitri ” tenik nia.

Tanba nee nia dehan, rezolusaun governu nian kona ba konfinamentu obrigatoriu implementa deit iha munisipiu Dili, maibe munisipiu seluk la iha, maibe atu selebra loron Idul Fitri nee tenke hare didiak lai regras estadu emerjensia nee.

“Tuir rezolusaun neebe governu hasai la hanesan, tanba iha Dili implementa serka sanitaria no konfinamentu obrigatoriu, maibe munisipiu balun la iha, tanba nee iha Kuarta kalan nee hau avizu ona ba sira katak wainhira atu selebra tenke haree didiak lai rezolusaun governu nia kona ba regras estadu emerjensia nee,” teknik nia.*

Reportajen: Alberto Menezes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...