Komunidade Tasi Tolu Kontente Ho Asaun XG

DILI, STLNEWS.co – Komunidade Tasi Tolu kontente ho asaun Lider istóriku Kay Rala Xanana Gusmão, neebe hamutuk ho nia ekipa normaliza estrada, supa bee lagoa tanba komunidade barak fila ona ba uma, no bele asesu ona ba estrada.

Tuir Abilio da Costa, hanesan lia nain Tasi Tolu hatete, haree ba asaun Xanana nian, neebe mak hodi normaliza estrada, no supa bee. Komunidade balu fila ba hela ona ba sira nia uma, mezmu iha balu mak seidauk fila.

“Iha momentu neebe ami hasoru susar sorti Avo Naná mai hodi ajuda ami, tanba bee sae nee Avo Nana mai hamutuk ho ekipa mai normaliza estrada, bele movimentu ona. I supa bee, agora volume bee tun, komunidade barak fila ona ba uma, iha bairu Besimea nee kalo sei hela deit ona família 10 resin mak seidauk fila”, informa Abílio ba STL Sabado (29/05/2021) iha Lagoa Tasi Tolu.

Tuir nia, iha Tasi Tolu, bairu 12, depois de inundasaun iha dia 4 abril, Avo Nana tun mai ajuda komunidade sira husi susar laran, tanba dalan normaliza ona, agora bee tun makas los ona.

Nunee mos komunidade Tasi Tolu Sabino da Costa hatete, “ami sente kontente, tanba Avo Nana mai hasai ami husi susar laran,” katak nia.

Tuir nia, hanesan komunidade sira sente kontente tebes, tanba hahu iha dia 4 mai nee, sira la asesu ba estrada, maibe Avo Naná mai ajuda normaliza estrada nee sira bele movimentu ona. I haree ba bee lagoa mos agora volume tun makas ona, no komunidade barak mak fila ona ba sira nia uma, mezmu balu seidauk, maibe Avo Naná sei kontinua ho ekipa halao servisu.*

Reportajen: Guilhermina Franco/Madalena Horta
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: