Komunidade We-Bicas Hato’o Preokupasaun Eletrisidade Ba Komisaun E

DILI, STLNEWS.co – Ohin reprezentante komunidade husi Aldeia We-Bicas halo audensia ho Komisaun E Parlamentu Nasional, hodi hato’o sira nia preokupasaun relasiona ho eletrisidade, tanba iha familia uma kain 180 resin mak seidauk asesu.

Tuir Portavos Leonardo Soares dehan, objetivu husi prezensa ohin mai hasoru komisaun E, relasiona ho lina eletrisidade neebe mak iha Suku Clacuc, neebe to’o agora seidauk asesu ba eletrisidade.

“Tanba ohin ami mai hasoru komisaun E, hato’o ami nia preokupasaun iha Aldeia We-Bicas, Suku Clacuc, Postu Administrativu Fatuberliu, komunidade hamutuk uma kain 180 resin seidauk asesu eletrisidade,” dehan nia ba jornalista sira iha PN, Kuarta nee (06/10/2021).

Nia afirma, antes nee parte EDTL iha fulan hirak ba kotuk, foin ba halo  levantamentu dadus deit.

Nia tenik, iha kompania balun ba halo ona, maibe obra nee soe hela deit iha tinan 2020, la hatene ho kestaun ka problema saida.

Nia hatutan, tanba komunidade sira iha neeba haree hela besi riin eletrisidade, ninia riin mak harii iha Aledia We-Bicas.

Aleinde nee, komunidade We-Bicas Adolfo Maubili Duarte hatete, ohin mai iha nee nuudar joventude hamutuk ho reprezentante komunidade.

Reportajen: Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...