Kondisaun Estrada Aat, Olinda: Salvador Inkapasidade Diak Liu Rezigna An

DILI, STLNEWS.co – Xefe Bankada KHUNTO, Deputada Olinda Guterres konsidera Ministru Obras Publik (MOP), Salvador Eugenio Soares dos Reis Pires laiha kapasidade, diak liu rezigna an, tanba to’o agora kondisaun estrada sei nafatin aat iha parte Venilale inklui fatin sira seluk.

Nia dehan, bainhira ba halo konsolidasaun ba iha Munisipiu Viqueque, sai husi Dili ba Baucau estrada diak, maibe husi Baucau ba Venilale to’o Craras estrada mesak rai tahu no ponte besik tohar ona no kareta dolar deit i lao ladiak.

Nia afirma, MOP nia hakarak saida, maske koligasaun maibe KHUNTO dala barak hato’o povu nia aspirasaun no preokupasaun, ministeriu relevante la tau atensaun.

“Karik Ministru Salvador Eugenio Soares dos Reis Pires, kuandu inkapasidade diak liu rezigna an rasik husi PLP, depois PLP ida ba fali, duke ami tuun ba baze ema kritika ami,” dehan nia liu husi plenaria iha PN, Sesta nee (10/01/2022).

Nia afirma, plataforma pesoalmente respeitu, maibe KHUNTO hato’o preokupasaun povu nian mos tenke respeitu, tanba hato’o bebeik ona problema povu nia relasiona ho estrada iha PN, to’o agora estrada nia kondisaun nafatin deit.

Nunee mos, Deputada Bankada CNRT, Maria Fernanda lay dehan, manutensaun estrada nasional inklui ponte Loes sai preokupante.

“Husu komisaun kompetente atu tau matan i halo fiskaliza ka lae, no nia problema maka ministru sira la rona,” dehan nia.

Nia hatutan, iha Karimbala fatuk boot monu taka hotu estrada, tanba sa la hamos, nee estrada nasional, tan nee husu ministeriu relevante atu labele toba dukur.

(dom/gui)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...