Kondutor Transporte Publiku Greve Iha Palasiu Oin

DILI, STLNEWS.co – Kondutor transporte publiku husi 01 too 12, ohin halo greve iha tasi ibun Palasiu Governu nia oin. Sira husu ba governu atu bele fo solusaun ba transporte publiku sira, bainhira sira lahalo movimentu sira sei lahetan osan.

“Ohin ami para no halo greve iha nee hakarak rona informasaun husi parte governu nian hodi fo mai ami katak, imi fila ba uma depois fulan- fulan imi bele simu osan entaun ami bele fila ba uma. Maibe ami sira nee lasimu osan no foti osan husi neebe,” lia hirak nee hatoo husi kondutor Agostinho Maia ba jornalista sira iha Palasiu Governu oin, Sesta (30/04/2021).

Nia informa tan, ohin komandante sira koalia dehan sira mos kumpre lei no regra nee los, maibe sira fulan – fulan simu hela osan.

“Orsida ami halo krime dehan ami ladiak, entaun ami halo krime, maibe sira dehan tenki kumpre. Kumpre nee oinsa, ita nee laos ema estranjeiru nia oan, agora sira bandu mikrolet lahalai maibe aviaun sira tama hela deit mai nee diak, agora bandu deit bemo sira iha Dili laran nee tanba saida i foti corona husi neebe mak mai,” katak nia.

Iha Fatin hanesan Segundu Komandante Polisia Nasional Timor-Leste (PNTL) Munisipiu Dili Superintendente Euclides Belo afirma serka sanitaria (SS) hahu hodikalan husi oras 00:00 too loron 13 fulan Maiu.*

Reportajen: Natalina Lopes
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: