Konese Peter Semone

DILI, STLNEWS.co – Matenek no riku esperiensia iha area oin – oin, liu – liu iha setor turizmu. La seluk la leet, nia mak nain ba Programa Turizmu Ba Ema Hotu, Peter Semone. Nia nuudar peritu estratéjia, profesór, emprezáriu no autór espesializadu iha dezenvolvimentu turizmu iha Sudeste Aziatiku.

Agora dadaun nia mak lidera USAID nia Projetu Turizmu Ba Ema Hotu iha Timor-Leste (TL). Projetu nee ho durasaun tinan lima (5) neebé atu hadia kompetitividade turizmu iha país ida ne’e.

Iha loron Kinta (18/11/2021) liu husi programa dadalia STL TV  iha nia knaar fatin, Timor Plaza, Peter Semone esplika klean konaba USAID nia programa Turizmu Ba Ema Hotu.

Nia dehan, molok mai iha TL, nia  servisu nuudar Prezidente Konsultór Tekniku no Xefe Ekipa ba projetu sira iha Repúblika Demokrátika do Povu de Lao no Vietnám, no sai hanesan peritu disponivel ba tempu badak nian ba Organizasaun Turizmu Mundiál, no grupu dezenvolvimentu internasionál sira seluk mak hanesan ADB, AUSAID, GIZ, ILO, NZAID no USAID.

Peter nuudar fundadór eskola profisionál do Instituto Nacional de Turismo e Otelaria do Lao, neebé rekoñese internasionalmente. Nia mós asumi kargu nuudar Prezidente Fundasaun Pacific Asia Travel Association (PATA) husi tinan 2015-2020, no iha tinan 20 resin ikus nee Peter ezerse kapasidade lideransa oin – oin iha komisaun no ekipa tarefa PATA nian.

Depois dé gradua estudu universitáriu husi koléjius US East Coast Ivy League, Peter harii kedas kampaña jestaun destinasaun ida neebé fornese servisus lojísitika kosteira ba ró kruzeiru sira atu tama sai iha Indonézia no partisipa nuudar emprezáriu ba iha negósiu foun balu.

Peter sai bebeik ona iha jornál revista-revizaun ho tópiku hirak neebé relevante ba dezenvolvimentu turizmu no destinasaun rekursu umanu. Iha tempu neebé livre, Peter gosta hanorin iha universidade no koléjiu sira no gasta tempu ho ninia família iha Bali no California.

Peter Semone, moris iha loron 6 April 1966 iha San Francisco, California, Estadus Unidus Amerika.

Iha tinan 1988, Peter akaba ninia lisensiatura iha Relasaun Internasionál husi Philadelphia University Pennsylvania, Estadus Unidus Amerika.

Iha tinan 1994, Peter hasai ninia Mestradu iha Dezenvolvimentu Turizmu husi Cornell University New York, Estadus Unidus Amerika.

Peter kaben ho feto Balinese Hindu iha tinan 2002, koñesidu ho akontesimentu bom suisida iha Bali. Nia iha oan nain rua, feto ida no mane ida.

Iha dadalia ho STL TV Peter informa katak, USAID nia Projetu Turizmu ba Ema Hotu ajuda Timor-Leste ne’ebé dependente ba mina hodi diversifika ninia ekonomia, liu husi promove turizmu ekolójiku ne’ebé favoravel ba ambiente bazeia ba rikeza patrimóniu nasaun nian. Atu halao projetu Turizmu Ba Ema Hotu, USAID servisu hamutuk ho nia parseiru importante hanesan, Ministériu Turizmu, Ministériu Agrikultura no Peska, Ministériu ba Dezenvolvimentu Abitasionál, Planeamentu no Ambiente, no parseiru naun-govermentais no privadu relevante sira. Projetu Turizmu Ba Ema Hotu lokalidade iha area Foho Ramelau (Munisípiu Ainaro), Illa Atauro no Dili.

(Mik/Yos)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...