Konfinamentu Domisiliariu, Misa Kontinua Suspende

DILI, STLNEWS.co – Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo da Silva, SDB mos suspende selebrasaun misa iha publiku.

Liu husi komunikadu imprensa neebe mak STL hetan husi Arquidiocese Dili, Sabadu (15/05/2021) hatete, bazeia iha komunikadu de imprensa reuniaun Konsellu de Ministros de 12 de Maio de 2021, kona ba hanaruk konfinamentu domiciliario geral iha Municipio de Díli, ba loron sanulu resin haat (14).

“Ho ida nee, dala ida tan, hau komunika ba Párocos, Religiosos, Religiosas no Sarani sira hotu: Suspende selebrasaun Missa ba publiku no Sakramento sira iha Vigararia de Dili too loron neebe konfinamento obrigatorio termina 27 de Maio de 2021, horas 23:59,” katak Dom Virgilio iha karta komunikadu nee.

Nunee mos selebrasaun missa no Sakramento sira ba publiku lao hanesan baibain iha Vigararia sira seluk: Aileu, Ainaro, Ermera, Oe-Cusse, no Same.

Serimonia funebre halao tuir orientasaun husi Resolusaun Governo nian (Cfr. Alinea 20 do Res. N°. 45/2021).

Durante fulan Rosario (mês de maio) iha Vigararia de Dili, reza Terço halao deit iha família ida- idak no la iha Procissão sira. Ba Vigararia sira seluk halao tuir tradisaun neebe durante nee iha.

“Fo hanoin ba ita hotu atu kumpre nafatin medida preventiva usa mascara, fase liman ho sabaun/hand sanitizer no distanciamento social ho finalidade atu garante saude diak ba ita hotu. Hau hatoo obrigado wain ba komprensaun no kolaborasaun ita Inan Lalehan, Maria Virgem, sei hamutuk ho ita no hamahan ita hotu. Hau nia benção ba imi hotu,” nia hakotu.*

Reportajen: Emerenciana Pinto
Editora : Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: